Американскиот претседател Доналд Трамп во средата потпиша закон за прекин на најдолгото затворање на владата во историјата на САД, откако Претставничкиот дом гласаше за повторно воведување на помошта за храна, исплата на стотици илјади федерални работници и оживување на контролата на воздушниот сообраќај.
Претставничкиот дом, контролиран од републиканците, го усвои пакетот со 222 гласови „за“ и 209 „против“, при што поддршката на Трамп во голема мера ја држи неговата партија заедно и покрај жестокото противење од демократите, кои се лути што 43-дневното затворање иницирано од нивните колеги од Сенатот не успеа да обезбеди договор за продолжување на федералните субвенции за здравствено осигурување.
Потписот на Трамп на законот, кој Сенатот го одобри претходно оваа седмица, ќе ги врати федералните работници на работа уште во четврток, иако не е јасно колку брзо ќе продолжат целосните владини услуги и операции.
Тоа би го продолжило финансирањето до 30-ти јануари, одржувајќи ја федералната влада на добар пат да продолжи да додава околу 1,8 трилиони долари годишно на својот долг од 38 трилиони долари.
„Се чувствувам како да повторно доживеав епизода од ‘Seinfeld’. Поминавме 40 дена и сè уште не знам каков беше заплетот“, рече републиканскиот пратеникот Дејвид Швајкерт од Аризона, споредувајќи го однесувањето на пратениците во Конгресот со несреќите во популарната американска ситком од 1990-тите.
„Навистина мислев дека ова ќе трае 48 часа: луѓето ќе добијат момент да го искажат својот гнев и ние ќе се вратиме на работа. Што се случува сега кога гневот стана политика?“, додаде пратеникот.
Крајот на затворањето нуди надеж дека услугите што се критични за воздушниот сообраќај ќе се опорават навреме за критичниот бран патувања за Денот на благодарноста, кој е само за две седмици. Враќањето на помошта за храна на милиони семејства би можело да ослободи простор во буџетите на домаќинствата за трошење, бидејќи сезоната на празнично пазарување влегува во полн ек.
Тоа, исто така, значи продолжување на објавувањето на податоци за американската економија од клучните статистички агенции во наредните денови. Недостигот од податоци ги остави инвеститорите, креаторите на политики и домаќинствата во голема мера во немање информации за пазарот на трудот, инфлацијата, потрошувачката и економскиот раст воопшто.
Но, веројатно е дека некои празнини во податоците ќе продолжат, а Белата куќа вели дека октомвриските извештаи за индексот на работните места и потрошувачки цени можеби никогаш нема да бидат објавени.
Многу економисти проценуваат дека затворањето го намалило бруто домашниот производ за повеќе од една десетина од отстотен поен во текот на секоја од приближно шесте седмици затворање, иако се очекува поголемиот дел од загубите да бидат надоместени во наредните месеци.
Гласањето се случи осум дена откако демократите победија на неколку клучни избори во сојузните држави, кои многумина во партијата ги сметаа за зголемување на нивните шанси за обезбедување продолжување на субвенциите за здравствена заштита, кои истекуваат на крајот од годината.
Иако договорот предвидува гласање во Сенатот за субвенциите во декември, претседателот на Претставничкиот дом, Мајк Џонсон, не даде такво ветување во Претставничкиот дом.
Претставничката од Демократската партија, Мики Шерил, која беше избрана минатата седмица за следна гувернерка на сојузната држава Њу Џерси, се изјасни против законот за финансирање во својот последен говор во Претставничкиот дом пред да поднесе оставка следната седмица, повикувајќи ги своите колеги да се спротивстават на администрацијата на Трамп.
„Колеги, не дозволувајте ова тело да стане церемонијален црвен печат на администрација која им зема храна на децата и го намалува здравственото осигурување. Американци, останете силни. Како што велиме во морнарицата, не го напуштајте бродот“, рече Шерил.
И покрај обвинувањата, ниту една партија не изгледаше дека има јасна победа. Анкета на Reuters/Ipsos објавена во средата покажа дека 50 отсто од Американците ги обвинуваат републиканците за затворањето, додека 47 отсто ги обвинуваат демократите.
Слични новости
Мировниот договор за Украина е многу блиску, вели американскиот претставник Келог
Претставникот на американскиот претседател Доналд Трамп за Украина изјави дека договорот за завршување на војната во Украина е „многу блиску“ и дека сега зависи од решавањето на две главни отворени прашања – иднината на украинскиот регион Донбас и нуклеарната централа Запорожје
Кинески авиони насочиле воен радар кон јапонски авиони
Јапонија во неделата соопшти дека кинеските борбени авиони насочиле радар за контрола на оган кон јапонски воени авиони во два „опасни“ инциденти во близина на островската група Окинава во Јапонија, тврдење што Пекинг го негираше
САД престанаа да ја означуваат Русија како „диркента закана“, Кремљ е задоволен
Кремљ го поздрави потегот на администрацијата на американскиот претседател Доналд Трамп да ја ревидира својата стратегија за национална безбедност и да престане да ја нарекува Русија „директна закана“, изјави во неделата портпаролот Дмитриј Песков