Српските студенти денеска блокираа три моста во Нови Сад, по повод три месеци од уривањето на настрешница на градската железничка станица.
Блокадата на мостот Варадински, на Мостот на слободата и на мостот Жежељски започна во 15 часот. Варадинските и Жежељските мостови беа блокирани три часа, до 18 часот, додека Мостот на слободата ќе биде блокиран 24 часа.
Стотици илјади луѓе, на протестите предизвикани од смртта на 15 лица при уривање на настрешница, излегоа на улиците низ земјата од ноември минатата година.
Студентите блокираа повеќе од 60 факултети, барајќи одговорност од властите, почитување на Уставот и законите, искоренување на корупцијата и зајакнување и независност на институциите без политичко влијание.
Студентите од Нови Сад три часа ги блокираа сите три моста во градот, по што толпата се упати кон Мостот на слободата, кој ќе биде блокиран 24 часа.
Српските власти порачаа дека несреќеи секаде се случуваат, но дека никој не може да ја преземе власта без да победи на избори.
Слични новости
Вучиќ: Можете да ме убиете, но нема да има преодна или експертска влада
Српскиот претседател Александар Вучиќ вечерва во Трстеник изјави дека нема да има преодна или привремена влада. Тој додаде дека може да има избори или референдум, но додека тој е жив нема да има сервилна влада предводена од белосветски крадци
Низа училишта во Грција добиле лажни заканувачки мејлови, испратени од Русија, за поставени бомби
Заканувачки мејлови за поставени експлозивни направа, кои се покажале како лажни, утрово биле испратени во низа грчки училишта, а истрагата покажала дека се испратени од седум ИП адреси од Русија, информираа од Министерството за образование, религија и спорт на Грција
Бојкот на супермаркетите низ целиот балкански регион
Според примерот на успешната граѓанска акција во Хрватска, за денеска е најавен бојкот и во Македонија, Србија, Хрватска, Босна и Херцеговина и Црна Гора, а во Словенија веќе е во тек бојкот на некои супермаркети.