Жителите на Рич, Попчево, Белотино и Вељуса не смеат да ја користат водата од локалните водоснабдителни објекти за пиење, поради утврдена микробиолошка неисправност.
Од општина Струмица информираат дека забраната останува во сила се до ново известување за исправноста на водата.
Мерката следува по вонреден инспекциски надзор спроведен од Агенцијата за храна и ветеринарство. При контролата било утврдено отсуство на резидуален хлор, како и присуство на бактерии кои се индикатори на фекално загадување.
Водата не смее да се користи ниту како вода за пиење, ниту како суровина, а не е дозволена ни вода што доаѓа во контакт со храна во објекти каде што се подготвува или продава храна.
Слични новости
Пет нови потврдени случаи на западнонилска треска – вкупно 15 во моментот на Инфективна
Пет потврдени случаи од претходно сомнителните на западнонилска треска. Во моментот на Инфективната клиника се хоспитализирани вкупно 15 пациенти.
Тројца од нив се наоѓаат во критична состојба и се приклучени на респиратор.
Македонија во портокалова тревога поради жешкото време
Управата за хидрометеоролошки работи и Институтот за јавно здравје предупредуваат дека температурите до 7 август ќе достигнуваат и до 42 Целзиусови степени, додека високите ноќни температури ќе создаваат таканаречени „тропски ноќи“.
ВЛЕН: Охридскиот договор не е тапија на ДУИ
ВЛЕН тврди дека Законот за правична и соодветна застапеност е на маса, а ДУИ го блокира. Бадентеровиот механизам, кој треба да ги штити интересите на заедниците, ДУИ го претвори во партиски камшик, со кој удира по секое решение што не го носи нивниот печат.