Претседателката на Европската комисија, Урсула фон дер Лајен изјави во четвртокот дека царините што што ги воведе американскиот претседател Доналд Трамп претствуваат голем удар за глобалната економија што ќе има далекусежни последици, велејќи дека Европската унија е подготвена да одговори со контрамерки доколку преговорите не успеат.
„Најавата на претседателот Трамп за универзални царини за целиот свет, вклучително и за Европската унија, е голем удар за глобалната економија. Длабоко жалам за овој избор. Последиците ќе бидат огромни“, рече Фон дер Лајен на прес-конференција во четвртокот рано наутро, пред самитот на Европската унија и Централна Азија.
Фон дер Лајен тврдеше дека во изминатите 80 години, трговијата меѓу Европската унија и Соединетите држави доведе до раст и просперитет, но таа призна дека глобалниот трговски систем има сериозни недостатоци и се согласи со Трамп дека „другите неправедно ги искористуваат актуелните правила“.
„Подготвена сум да ги поддржам сите напори за прилагодување на глобалниот трговски систем на реалноста на глобалната економија, но исто така сакам да бидам јасна, прибегнувањето кон царините како прва и последна алатка нема да го реши проблемот“, тврди Фон дер Лајен.
Додаде дека поради тоа тие секогаш биле подготвени да преговараат со САД за отстранување на преостанатите бариери за трансатлантската трговија.
„Истовремено, подготвени сме да одговориме. Веќе го финализираме првиот пакет контрамерки како одговор на царините за челик, а сега подготвуваме дополнителни контрамерки за да ги заштитиме нашите интереси и бизниси доколку преговорите не успеат“, најави фон дер Лајен.
Таа будно ќе ги следи и индиректните ефекти што може да ги имаат овие царини, бидејќи, како што додаде, „не можеме да го апсорбираме глобалниот вишок капацитет, ниту ќе прифатиме дампинг цени на нашите пазари“ и рече дека не е доцна проблемот да се реши преку преговори.
„Знам дека многумина од вас се чувствуваат разочарани од нашиот најстар сојузник“, рече фон дер Лајен, но таа исто така посочи дека Европа има сè што ѝ е потребно за „да ја преброди бурата“ со оглед на тоа што го има најголемиот единствен пазар во светот – 450 милиони потрошувачи.
„Веќе најавивме нови мерки за поддршка на челичниот и автомобилскиот сектор, а минатата недела ја ограничивме количината на челик што може да се увезе во Европа без царина. Ова ќе овозможи повеќе простор за овие стратешки индустрии“, објасни таа.
Баз да спомение колку досега биле оцаринувани амерканските производи во ЕУ, таа додаде дека сега ќе свика и стратешки дијалози со челичарскиот, автомобилскиот и фармацевтскиот сектор, а ќе следат и други.
Фон дер Лајен, меѓу другото, предупреди дека глобалната економија ќе страда многу поради царините на Трамп, а неизвесноста ќе поттикне натамошен раст на протекционизмот.
„Последиците ќе бидат тешки за милиони луѓе ширум светот, особено за најранливите земји кои сега се предмет на некои од највисоките американски царини, што е спротивно од она што сакавме да го постигнеме“, посочи таа.
Фон дер Лајен, исто така, предупреди дека царините ќе им наштетат и на потрошувачите ширум светот, што веднаш ќе се почувствува.
„Милиони граѓани ќе се соочат со повисоки сметки за намирници, лековите ќе поскапат, како и транспортот. Инфлацијата ќе се зголеми, што особено ќе ги погоди најранливите граѓани. Сите бизниси, големи и мали, ќе страдаат од првиот ден – од неизвесност, прекини до синџирите на снабдување, до бирократија и зголемени трошоци за водење бизнис со САД“, рече таа.
Слични новости
Канада најави ограничени противмерки на американските царини
Канадскиот премиер Марк Карни објави ограничен сет противмерки како одговор на американските царини, нарекувајќи ги „протекционистичките потези“ на американскиот претседател Доналд Трамп „трагедија за светската трговија“
Мелони вели дека американските царини се грешка, но не и катастрофа
Италијанската премиерка Џорџа Мелони во четвртокот изјави дека трговските царини објавени од САД се грешка, но дека нивното влијание не треба да се преценува и дека одговорот мора внимателно да се разгледа
Макрон: Царините што ги објави Трамп се брутални, неосновани и шокантни
Говорејќи за време на состанокот со претставниците на француската индустрија, Макрон додаде дека одговорот на реципрочните царини ќе биде „помасовен“ од одмаздничките мерки против американските царини за челик и алуминиум.