ЕУ: Засега нема олеснување на санкциите за Сирија, потребни се гаранции

Европската унија нема да ги укине санкциите за Сирија додека нејзината нова влада не се погрижи малцинствата да не бидат прогонувани и правата на жените да бидат заштитени во рамките на обединета влада која се откажува од верскиот екстремизам, изјави во недеката шефицата на дипломатијата на Унијата.

На состанокот на министрите за надворешни работи на ЕУ во понеделник во Брисел, на кој Сирија ќе биде на дневниот ред, нема да има дискусија за проширување на финансиската поддршка за таа земја надвор од она што ЕУ веќе го обезбедува преку агенциите на Обединетите нации, изјави новата висока претставничка на Европската унија за надворешни работи и безбедносна политика Каја Калас.

„Едно од прашањата е дали можеме да размислиме за прилагодување на режимот на санкции во иднина. Но, ова очигледно не е прашање денес, туку пред иднината, доколку видиме дека чекорите одат во вистинската насока“, објаснува Калас во интервјуто за Reuters.

Додека ЕУ воспостави строг режим на санкции против Сирија, групата што го предводеше соборувањето на сирискиот претседател Башар ал-Асад, Хајат Тахрир ал-Шам, исто така е под санкции со години и се наоѓа на листата терористички организации, што претставува предизвик за меѓународната заедница.

ЕУ веќе беше најголемиот донатор на хуманитарна помош за Сирија, рече Калас, поранешна естонска премиерка.

„Мораме да разговараме што друго можеме да направиме. Но, како што реков, тоа не може да биде бланко чек“, рече таа.

Калас го изјави ова по учеството на конференцијата во Јордан во саботата на која се собраа регионалните и западните сили за да разговараат за иднината на Сирија по Асад. Дипломатите се согласија дека заштитата на малцинствата во Сирија е голема грижа.

globe

Слични новости