Военото засилување на ЕУФОР во Босна и Херцеговина почна да пристигнува, потврди во вторникот командата на силите на Европската унија во Сараево.
ЕУФОР побара распоредување дополнителни сили по избувнувањето на кризата во БиХ предизвикана од усвојувањето на неуставните закони со кои властите во Република Српска се обидоа да го спречат функционирањето на државните судски и полициски тела, што предизвика страв од конфликти меѓу членовите на различни полициски агенции.
Според тоа, дополнителни 400 војници од земјите на ЕУ треба да пристигнат во БиХ до крајот на оваа седмица, а тие ќе се приклучат на контингентот од околу илјада припадници на ЕУФОР кои веќе се на теренот со задача да ја следат безбедносната ситуација и да реагираат во случај на ескалација на насилство.
„Воениот персонал, возилата и хеликоптерите од Чешка, Италија и Романија ќе ги зајакнат силите на ЕУФОР во наредните денови“, се вели во соопштението на командата на ЕУФОР, која го презеде мандатот за следење на спроведувањето на воениот дел од Дејтонскиот договор од НАТО во 2004 година.
Засилување пристигнува во БиХ по воздушен пат и преку граничните премини со Хрватска кај Свилај и Бјача.
Претходно во текот на денот, високиот претставник за БиХ, Кристијан Шмит, кого не го признава етинтетот Република Српска, како и постојаните членки на Советот за безбедност при ОН – Русија и Кина, се состана со командантот на ЕУФОР, романскиот генерал Флорин-Маријан Барбу, а тема на нивната дискусија била актуелната безбедносна ситуација, како и распоредувањето на резервните сили.
„Високиот претставник Шмит ја истакна клучната улога што и ЕУФОР и ОХР ја играат во одржувањето на стабилноста и безбедноста во БиХ. Координираните напори на ЕУФОР и ОХР за спроведување на Дејтонскиот договор, неговите цивилни и воени аспекти, како и за одржување на мирот и редот во БиХ остануваат клучни“, се вели во краткото соопштение објавено по средбата.
Слични новости
Романија: Одбиена жалбата на Џорџеску против забраната за кандидирање на претседателските избори
Жалбата на романскиот крајно десничарски европскептичен политичар Калин Џорџеску против одлуката да му се забрани да се кандидира на повторените претседателски избори во земјата беше отфрлена во вторникот
Украина го прифати американскиот предлог за 30-дневен прекин на огнот со Русија, САД велат дека сè е до Русија сега
Украина се согласи на непосреден 30-дневен прекин на огнот во војната со Русија за време на разговорите со американските претставници во Саудиска Арабија, се вели во заедничката изјава на земјите, а Вашингтон веднаш ќе продолжи со споделување разузнавачки информации и „безбедносна помош“ за Украина
Пакистанските сепаратисти земаа 182 заложници
Безбедносните сили соопштија дека се слушнала експлозија во близина на тунелот и дека имало размена на оган со милитантите во планинската област