Естонскиот евровизиски претставник Томи Кеш им се извини на Италијанците откако неговата песна „Espresso Macchiato“, испеана на лош италијански, налути дел од јавноста во медитеранската земја.
„Mi amore, mi amore, espresso macchiato, macchiato, macchiato, por favore, por favore“, пее 33-годишниот естонски рапер во песната со којашто ќе ја претставува својата земја на Евровизија во Базел кон средината на мај.
Кеш поради ова налути дел од италијанската јавност – потпретседателот на Сенатот од десничарската партија Лига повика да му се забрани учество на естонскиот претставник на натпреварот, а жалба најави и италијанското здружение за заштита на потрошувачи Codacons.
„Не сакав никого да навредам со мојата песна“, изјави Кеш за телевизијата RAI2 во саботата. „Ја сакам Италија“, рече тој.
„Имам огромна почит за ова место. Ја сакам оваа земја: нејзината кујна, архитектура, дизајн, кафе. Не можев ни да замислам дека ова ќе се случи“, додаде Естонецот.
Неговата песна, која моментално има речиси пет милиони прегледи на YouTube, содржи стихови како „Me like to fly privati, with 24 carati” или „Работам деноноќно, затоа се потам како мафијаш“, испеана во мешавина од англиски, италијански и измислени зборови.
На некои Италијанци им се допаѓа песната.
„Како Италијанец, ми е смешно што некои луѓе сметаат дека ‘Espresso Macchiato’ е навредливо. Песната не е за стереотипите за Италија, туку за стереотипите за тоа што странците мислат за Италијанците. Тоа е претеран, ироничен поглед на таа надворешна перспектива, а не напад на нашата култура“, е еден од најпопуларните коментари под песната.
„’No stresso, no stresso, don’t need to be depresso’, мислам дека ќе го истетовирам ова“, напиша друг Италијанец.
Слични новости
Парамаунт сака да сними биопик за Евил Каневил со Леонадро ДиКаприо и Едријан Броди
Студиото Парамаунт се обидува да обезбеди врвен каст со оскаровците Леонардо ДиКаприо и Едријан Броди за биопикот што сака да го снима за моторџијата Евил Каневил
Шон Диди Комбс се соочува со нови обвинувања пред судењето во мај
Хип хоп пејачот Шон Диди Комбс се соочува со нови обвиненија во кои се наведува дека тој ги принудувал вработените да работат дополнителни работни часови под закана, како и дека принудил најмалку една вработена да се впушти во сексуални односи со него
ТВ рејтинзи: Обраќањето на Трамп во Конгресот го следеа 36,6 милиони гледачи
Ова е повеќе од последните три обраќања во Конгресот на неговиот претходник Џо Бајден, но е помалку од обраќањата на Трамп во Конгресот за време на неговиот прв претседателски мандат кои во просек ги гледаа44,3 милиони Американци.