Естонскиот евровизиски претставник Томи Кеш им се извини на Италијанците откако неговата песна „Espresso Macchiato“, испеана на лош италијански, налути дел од јавноста во медитеранската земја.
„Mi amore, mi amore, espresso macchiato, macchiato, macchiato, por favore, por favore“, пее 33-годишниот естонски рапер во песната со којашто ќе ја претставува својата земја на Евровизија во Базел кон средината на мај.
Кеш поради ова налути дел од италијанската јавност – потпретседателот на Сенатот од десничарската партија Лига повика да му се забрани учество на естонскиот претставник на натпреварот, а жалба најави и италијанското здружение за заштита на потрошувачи Codacons.
„Не сакав никого да навредам со мојата песна“, изјави Кеш за телевизијата RAI2 во саботата. „Ја сакам Италија“, рече тој.
„Имам огромна почит за ова место. Ја сакам оваа земја: нејзината кујна, архитектура, дизајн, кафе. Не можев ни да замислам дека ова ќе се случи“, додаде Естонецот.
Неговата песна, која моментално има речиси пет милиони прегледи на YouTube, содржи стихови како „Me like to fly privati, with 24 carati” или „Работам деноноќно, затоа се потам како мафијаш“, испеана во мешавина од англиски, италијански и измислени зборови.
На некои Италијанци им се допаѓа песната.
„Како Италијанец, ми е смешно што некои луѓе сметаат дека ‘Espresso Macchiato’ е навредливо. Песната не е за стереотипите за Италија, туку за стереотипите за тоа што странците мислат за Италијанците. Тоа е претеран, ироничен поглед на таа надворешна перспектива, а не напад на нашата култура“, е еден од најпопуларните коментари под песната.
„’No stresso, no stresso, don’t need to be depresso’, мислам дека ќе го истетовирам ова“, напиша друг Италијанец.
Слични новости
Пет големи рекорди кои би можеле да бидат соборени на Оскарите
Вечерва ќе се одржи 97. доделување на најпрестижните филмски наград – Оскарите, ноќ за која се очекува да биде исполнета со изненадувања, страсни говори и вирални моменти кои ќе доминираат со седмици
Пејачката Charli XCX победник на BRIT Awards
Пејачката Charli XCX, чиј албум „Brat“ инспирираше културен феномен минатото лето, е големиот победник, со пет награди, на овогодинешното доделување на BRIT Awards во Лондон
Пивската чаша на Исак Њутн ќе биде изложена во Кралското друштво во Лондон
Оваа дрвена чаша ќе биде дел од изложбата што се отвара на 4 март заедно со други предмети на Исак Њутн, вклучувајќи го и неговото најпознато дело „Математичките принципи на природната филозофија“,