Младиот 19-годишен бразилски напаѓач Ендрик Фелипе Мореира де Соуса, попознат како Ендрик, би можел да го напушти Реал Мадрид оваа зима, според шпанските и бразилските медиуми.
Бразилскиот фудбалер поминува низ многу тежок период во клубот. Оваа сезона одигра само 11 минути за Реал. Пристигна како голема надеж, а сега е сведен на само споредна улога.
Гласините за можното заминување во претстојниот зимски преоден рок се сѐ погласни. Неговата цел е да најде клуб што ќе му овозможи да влезе во бразилската репрезентација за Светското првенство следното лето.
Бразилскиот селектор Карло Анчелоти разговараше со младиот напаѓач, предлагајќи му да разговара со челниците на „Кралскиот клуб“.
„Да, разговарав со него на почетокот на сезоната. Беше повреден, но сега е добро, се врати и треба да размисли со семејството што е најдобро. Треба да разговара со клубот за да види што му одговара“, рече италијанскиот тренер во интервју за Placar.
„Ендрик е многу млад, ова нема да биде неговото последно Светско првенство. Може да игра во 2026 година бидејќи има потребен квалитет, но и во 2030, 2034 или дури 2038 година. Важно е повторно да игра и да го покаже својот квалитет“, заклучи Анчелоти.
Ендрик пристигна во Реал во јули минатата година од Палмеирас за околу 60 милиони евра. Досега има 38 настапи за „Лос Бланкос“ и постигна седум гола.
Слични новости
Чаби Алонсо ќе добие отказ во Реал, ако тимот викендов не го победи Алавес
Управата на Реал Мадрид сака актуелниот тренер Чаби Алонсо да добие шанса и да остане на клупата на Реал Мадрид барем до јануари и дербито со Атлетико од Мадрид.
Јокиќ повторно лидер во победата на Денвер
Во Сакраменто, домашните Кингс беа убедливо поразени од Денвер Нагетс со резултат од 136:105. Гостите ги предводеше српскиот центар Никола Јокиќ со 36 поени, 12 скока и осум асистенции
Победи на Реал и Милан во Евролигата
Во 15-то коло од кошаркарската Евролига, Реал Мадрид ја победи Басконија со 94:87, а Марио Хезоња го предводеше „Кралскиот клуб“ со 17 поени, четири скока и три асистенции