Обединетите Арапски Емирати (ОАЕ) веќе на 1 мај ги напуштаат организациите на земјите извознички на нафта ОПЕК и ОПЕК+. И тоа во време кога светот, поради војната на САД и Израел против Иран е среде тешка енергетска криза, а светската економија е разнишана.
Според соопштението за печатот на државната новинска агенција ВAM, одлуката била темелно разгледана од страна на властите во Емиратите, при што особено биле земени предвид постојаните „нарушувања во Персискиот Залив и Ормутскиот теснец.
„Оваа одлука ја одразува долгорочната стратешка и економска визија на ОАЕ и промената во енергетскиот профил на земјата“.
Набљудувачите ја опишуваат одлуката на Емиратите како тежок удар за ОПЕК, а особено за фактичкиот лидер на групата извозници на нафта, Саудиска Арабија.
Тоа покажува дека Емиратите не се задоволни од водството на ОПЕК. Тоа е порака до Саудиска Арабија и показател за состојбата на односите меѓу Саудиска Арабија и Емиратите, без разлика дали на политичко или на економско ниво кога станува збор за енергетски прашања.
Во иднина кога извозот на нафтата ќе се нормализира, ОАЕ би можеле да пласираат повеќе барели на пазарот без ограничувања.
Вашингтон одлуката ја интерпретира како успех на претседателот на Трамп кој повеќе пати ја критикуваше ОПЕК дека вештачки ја зголемува цената на нафтата.
Емиратите се сметаат за блиски сојузници на САД и се потписнички на Аврамските договори, со кои ги нормализираа односите со Израел.
Слични новости
Вредностите на криптовалутите и натаму во слободен пад
Вредноста на биткоинот на најголемата берза на криптовалути Бајненс падна под 60 000 евра и сега изнесува 59.378 евра. Индексот на страв и алчност за биткоин се наоѓа на нивото 11 што е многу високо ниво на страв и незивесност.
Драстичен пад на цената на нафтата на берзите по спогодбата меѓу САД и Иран и отварањето на Ормутскиот теснец
Цената на референтната сирова нафта Брент падна за 13 насто на 94,80 долари за барел, а американската нафта забележа пад од 15 насто и се тргуваше по цена од 95,75 долари за барел, пренесува Би Би Си.
Иран го прифати двонеделното примирје и го отвара Ормутскиот теснец
„Њујорк тајмс“ пишува дека клучна улога во посредувањето имала Кина во последен момент. Министерот за надворешни работи на Иран Абас Аракчи појасни дека во рок од две недели ќе биде осигуран безбеден проток низ Ормутскиот теснец.