Обединетите Арапски Емирати (ОАЕ) веќе на 1 мај ги напуштаат организациите на земјите извознички на нафта ОПЕК и ОПЕК+. И тоа во време кога светот, поради војната на САД и Израел против Иран е среде тешка енергетска криза, а светската економија е разнишана.
Според соопштението за печатот на државната новинска агенција ВAM, одлуката била темелно разгледана од страна на властите во Емиратите, при што особено биле земени предвид постојаните „нарушувања во Персискиот Залив и Ормутскиот теснец.
„Оваа одлука ја одразува долгорочната стратешка и економска визија на ОАЕ и промената во енергетскиот профил на земјата“.
Набљудувачите ја опишуваат одлуката на Емиратите како тежок удар за ОПЕК, а особено за фактичкиот лидер на групата извозници на нафта, Саудиска Арабија.
Тоа покажува дека Емиратите не се задоволни од водството на ОПЕК. Тоа е порака до Саудиска Арабија и показател за состојбата на односите меѓу Саудиска Арабија и Емиратите, без разлика дали на политичко или на економско ниво кога станува збор за енергетски прашања.
Во иднина кога извозот на нафтата ќе се нормализира, ОАЕ би можеле да пласираат повеќе барели на пазарот без ограничувања.
Вашингтон одлуката ја интерпретира како успех на претседателот на Трамп кој повеќе пати ја критикуваше ОПЕК дека вештачки ја зголемува цената на нафтата.
Емиратите се сметаат за блиски сојузници на САД и се потписнички на Аврамските договори, со кои ги нормализираа односите со Израел.
Слични новости
Европските индекси неизедначени, цената на нафтата Брент 95 долари
Според податоците од берзите, цената на сировата нафта денеска падна за 0,27 насто на 91 долар за барел, додека нафтата Брент порасна за 0,12 насто на околу 95 долари за барел.
Рено планира укинување на 15-20 насто од инженерските позиции поради силната конкуренција од Кина
Францускиот производител на автомобили Рено објави дека ќе укине 15-20 насто од работните позиции во глобалниот инженерски сектор поради силната конкуренција од Кина, што ќе погоди околу 2.000 вработени во наредните две години.
Британците имаат се помалку пари за храна и греење
Најновото истражување покажа дека 66 насто од Британците е загрижено за своите финансии во наредните месеци, додека 31 насто ги налауваат трошоците за храна и греење за да може да состават „крај со крај“, пренесе Скај њуз.