И покрај опаѓањето на пушењето тутун, младите Европјани се поттикнати сè повеќе да користат електронски цигари и нови ароматизирани производи со никотин, предупреди Одделот на Светската здравствена организација за Европскиот регион, пренесе Јуроњуз.
Според новиот извештај, 53 земји во Европа и Централна Азија до 2030 година ќе останат дел од светот со најголема потрошувачка на тутун.
Употребата на тутун веќе предизвикува повеќе од 1,1 милиони смртни случаи од незаразни болести секоја година во европскиот регион, и без забрзана акција во 2030 година ќе бидеме регион во светот со најлош резултат – рече директорот на СЗО за Европа, Ханс Клуге.
Во 2024 година, околу 173 милиони луѓе во европскиот регион на СЗО биле корисници на тутун.
За СЗО најитен предизвик е сузбивањето на порастот на користењето електронски цигари бидејќи ги користат 14,3 отсто од децата на возраст од 13 до 15 години, при што стапката е речиси идентична кај момчињата и девојчињата.
Меѓу возрасните, Европа со околу 31,4 милиони корисници е втора во светот по употреба на електронски цигари, веднаш зад Северна и Јужна Америка.
Слични новости
Цените на нафтата стагнираат додека се очекува натамошна нестабилност поради војната во Иран
Цената на нафатата Брент се движи на ниво од околу 95 долари за барел, а цената на американската сирова нафта ВТИ изнесува 92 долари по барел.
Европската авиоиндустрија бара од ЕK суспендирање на новиот Систем за влез во унијата
Сликата на аеродромите редици до три часа, доцнења и пропуштени летови ги потврди предупредувањата на Airlines for Europe кои побараа од Европската комисија и земјите-членки на ЕУ „веднаш да воведат дополнителна флексибилност“ во работењето на новиот систем.
САД подготвува економски притисок врз Иран
Aмериканскиот министер за финансии Скот Бесент предупреди дека САД се подготвуваат да го засилат економскиот притисок врз Иран, велејќи дека републиканската администрација подготвува акција што ќе биде „финансиски еквивалент“ на кампањата за бомбардирање.