Европската комисија е подготвена да примени флексибилност во примената на Пактот за стабилност и раст, кој пропишува фискална дисциплина, доколку земјите-членки финансираат одбранбени проекти од нивните буџети, изјави претседателкатa на Европската комисија, Урсула фон дер Лајен.
„Националните буџети се ограничени со правилата на Пактот за стабилност и раст, но во вонредни времиња е можно да има вонредни мерки и мислам дека живееме во вонредни времиња“, рече Фон дер Лајен на прес-конференција по неформалниот самит на лидерите на ЕУ, што се одржа во беше целосно посветен на одбраната и безбедноста.
Пактот за стабилност и раст предвидува дека буџетскиот дефицит на земјите-членки не смее да надминува 3 отсто од бруто домашниот производ (БДП), а јавниот долг не смее да надмине 60 отсто од БДП. Најавата на претседателката на Комисијата би значела дека земјите-членки би можеле да имаат уште поголеми дефицити доколку овие средства се наменети за одбранбени проекти.
„Ние во Комисијата ќе размислиме да користиме поголема флексибилност во Пактот за стабилност и раст за да им дадеме повеќе фискален простор на земјите-членки да ги зголемат трошоците за одбрана“, рече Фон дер Лајен.
Претседателот на Европскиот совет, Антонио Кошта, рече дека дискусијата на неформалниот состанок се фокусирала на идентификување на приоритетните области во одбраната каде заедничкото дејствување на ниво на ЕУ дава подобри резултати отколку кога земјите-членки дејствуваат поединечно.
„Во денешната дискусија, јасниот фокус беше на воздушната и ракетната одбрана“, рече Кошта.
„Денес никој не ја доведе во прашање потребата од заедничка поддршка на проектите за противвоздушна одбрана. Тоа е заеднички интерес на целата Европска унија“, изјави полскиот премиер Доналд Туск, чија земја во моментов претседава со Советот на ЕУ.
На средбата се разговараше и за трансатлантските односи кои се карактеризираат со голема неизвесност поради најавата на американскиот претседател Доналд Трамп дека ќе воведе царини за производите од ЕУ.
Фон дер Лајен рече дека Европската унија е подготвена решително да одговори доколку тоа се случи.
Слични новости
Во понеделник почнуваат преговорите за новата фаза од прекинот на огнот во Газа
Израелскиот премиер Бенјамин Нетанјаху ќе ги започне преговорите за втората фаза од прекинот на огнот во Газа кога ќе се сретне со пратеникот на американскиот претседател Доналд Трамп за Блискиот исток, Стив Виткоф, во понеделник во Вашингтон
САД ја известиле Канада за воведувањето на царините
Канада добила потврда дека од вторник ќе бидат воведени царини од 25 отсто за сите стоки што се извезуваат во Соединетите држави, освен за нафтата, која ќе има царина од 10 отсто
Рубио најави посети на Латинска Америка и лидерство на САД на западната хемисфера
Рубио рече дека американската надворешна политика предолго се фокусирала врз други региони додека ги превидела оние во нејзината близина, занемарувајќи ги партнерите и пријателите.