Откако американскиот претседател Доналд Трамп рече дека неговата администрација наскоро ќе објави царини од 25 отсто за увоз на производи од Европската унија, Европската комисија најави дека ќе реагира „одлучно и навремено“ против „неоправданите пречки“ за слободната и фер трговија.
„ЕУ ќе реагира решително и веднаш против неоправданите пречки за слободната и фер трговија, вклучително и кога тарифите се користат за да се оспорат законите и недискриминаторните политики“, рече портпаролот на Комисијата како одговор на барањето за коментар за забелешките на Трамп.
Нагласува дека ЕУ секогаш ќе ги штити европските компании, работници и потрошувачи од неоправдани царини.
Запрашан на состанокот на американската влада дали одлучил за царинска стапка за стоки од Европската унија, Трамп одговори дека донеле одлука и дека ќе ја објават многу брзо, а таа ќе биде 25 отсто, генерално кажано, за автомобили и за се останато.
Тој, исто така, изјави дека ЕУ е основана „за да ги измами САД“.
Како одговор, портпаролот на Комисијата рече дека Европската унија е „најголемиот слободен пазар во светот и дека тоа е благодет за Соединетите држави“.
Портпаролот нагласи дека со создавањето голем и интегриран единствен пазар „ЕУ ја олесни трговијата, ги намали трошоците за американските извозници и ги усогласи стандардите и регулативите во 27 земји“.
„Како резултат на тоа, американските инвестиции во Европа се високо профитабилни“, додаде портпаролот.
„Европа се залага за дијалог, отвореност и реципроцитет. Подготвени сме за партнерство доколку играте според правилата. Но, ние исто така ќе ги заштитиме нашите потрошувачи и бизниси на секој чекор. Тие не очекуваат ништо помалку од нас“, заклучи портпаролот на ЕК.
Слични новости
ЕУ воведува контрамерки на американските царини
Европската комисија воведува контрамерки откако во средата стапија на сила американските царини за увоз на челик и алуминиум од Европската унија
Романија: Одбиена жалбата на Џорџеску против забраната за кандидирање на претседателските избори
Жалбата на романскиот крајно десничарски европскептичен политичар Калин Џорџеску против одлуката да му се забрани да се кандидира на повторените претседателски избори во земјата беше отфрлена во вторникот
Украина го прифати американскиот предлог за 30-дневен прекин на огнот со Русија, САД велат дека сè е до Русија сега
Украина се согласи на непосреден 30-дневен прекин на огнот во војната со Русија за време на разговорите со американските претставници во Саудиска Арабија, се вели во заедничката изјава на земјите, а Вашингтон веднаш ќе продолжи со споделување разузнавачки информации и „безбедносна помош“ за Украина