Европската комисија денеска ќе усвои две нови стратегии, едната за визите, а втората за миграцијата и азилот.
Портпаролот на Еврокомисијата за внатрешни работи, Маркус Ламерт во врска со протестите и блокадите на границите од страна на балканските превозници, изјави дека Комисијата е свесна за нивните проблеми и работи на нивно надминување во рамки на подготовките на Стратегијата за визи.
„Свесни сме дека голем број професионалци од трети земји може да имаат потреба да останат во шенген-зоната повеќе од 90 дена во рок од 180 дена. Ова ги вклучува професиите со висока мобилност, како што се возачите на камиони, но исто така и спортистите и уметниците.
Ова е прашање на кое сме целосно посветени и на кое работиме и размислуваме во контекст на подготовките на претстојната Статегија за визите, што ќе ја објавиме оваа недела“, изјави Ламерт.
Според најавите, Стратегијата ќе опфаќа упатствата на ниво на целиот блок, кои се дизајнирани да ја зајакнат конкурентноста, но воедно и безбедноста на ЕУ.
Со документот ќе се предвидуваат и „економски визи“, кои би биле повеќекратни и со рок на важење подолг од пет години, во обид за поттикнување на економскиот раст.
Стратегијата ќе предвидува и рестриктивни мерки насочени против „непријателски настроени трети земји“, како и построг мониторинг на постојните безвизни режими.
Слични новости
Новиот ЕУ систем не создаде застои на граничниот премин Меџитлија
Иако првиот ден од продолжениот празничен викенд се поклопи со стартот на целосната примена на новиот систем за контрола при влез во земјите од Европската унија, сепак, на граничниот премин Меџитлија–Ники кон соседна Грција нема значајни промени во фреквенцијата.
Исламабад под високи безбедносни мерки пред клучните преговори САД – Иран
Пакистанската престолнина денеска е под засилени безбедносни мерки и речиси целосно мирна, додека властите го затворија градот пред почетокот на преговорите меѓу САД и Иран, чија цел е постигнување траен прекин на огнот по повеќенеделен конфликт.
Цената на сировата нафта околу 99 долари за барел
Фјучерсите на американската сирова нафта денеска пораснаа на 99 долари за барел, но цените се и натаму за 10 проценти пониски откао САД и Иран прогласија прекин на огнот.