Европската комисија денеска ќе усвои две нови стратегии, едната за визите, а втората за миграцијата и азилот.
Портпаролот на Еврокомисијата за внатрешни работи, Маркус Ламерт во врска со протестите и блокадите на границите од страна на балканските превозници, изјави дека Комисијата е свесна за нивните проблеми и работи на нивно надминување во рамки на подготовките на Стратегијата за визи.
„Свесни сме дека голем број професионалци од трети земји може да имаат потреба да останат во шенген-зоната повеќе од 90 дена во рок од 180 дена. Ова ги вклучува професиите со висока мобилност, како што се возачите на камиони, но исто така и спортистите и уметниците.
Ова е прашање на кое сме целосно посветени и на кое работиме и размислуваме во контекст на подготовките на претстојната Статегија за визите, што ќе ја објавиме оваа недела“, изјави Ламерт.
Според најавите, Стратегијата ќе опфаќа упатствата на ниво на целиот блок, кои се дизајнирани да ја зајакнат конкурентноста, но воедно и безбедноста на ЕУ.
Со документот ќе се предвидуваат и „економски визи“, кои би биле повеќекратни и со рок на важење подолг од пет години, во обид за поттикнување на економскиот раст.
Стратегијата ќе предвидува и рестриктивни мерки насочени против „непријателски настроени трети земји“, како и построг мониторинг на постојните безвизни режими.
Слични новости
30 насто од клиентите на е-шопинг во Македонија се пожалиле на проблеми
Во Македонија 29,41 насто од купувачите се пожалиле на проблеми при е-шопинг, покажува истражувањето на Евростат од 2025 за користење на информатичко-комуникациските технологии.
Албанските партии со остри критики до Уставниот суд поради одлуката пораките на СМС од Безбеден град да не се испраќаат на албански јазик
Ставот според кој СМС-пораките во рамки на системот „Safe City“ треба да се испраќаат само на македонски јазик, додека можат да се испраќаат и на англиски, но не и на албански, претставува дискриминација и кршење на духот на Уставот.
Царинска управа: на граничниот премин Блаце спречен обид за криумчарење 120 килограми тутун за наргиле
Царински службеници на граничниот премин Блаце, на влез во државата, спречија обид за криумчарење на вкупно 120 килограми тутун за наргиле, со вредност од 384 илјади денари кои биле наменети за продажба на македонски пазар.