Европската унија не гледа оправдување за воведување царини за нејзиниот извоз во САД и ќе реагира за да ги заштити интересите на европските компании, работници и потрошувачи од неоправдани мерки, објави во понеделникот Европската комисија.
Американскиот претседател Доналд Трамп во неделата изјави дека во понеделник ќе објави нови царини од 25 отсто за целиот увоз на челик и алуминиум во САД, што ќе биде надополнување на веќе постоечките царини за металите.
Комисијата соопшти дека нема добиено никакво официјално известување за воведување дополнителни царини за европските производи и дека нема да одговара на најавите без детали или писмено појаснување.
„ЕУ не гледа оправдување за воведување царини за нејзиниот извоз. Ќе реагираме за да ги заштитиме интересите на европските бизниси, работници и потрошувачи од неоправдани мерки“, соопшти Комисијата.
Комисијата, која е одговорна за трговската политика во ЕУ, вели дека воведувањето царини би било нелегално и економски контрапродуктивно, особено со оглед на длабоко интегрираните производни синџири што ЕУ и САД ги воспоставија преку трансатлантската трговија и инвестиции.
ЕК посочува дека со воведување царини, САД „ќе ги оданочуваат сопствените граѓани, ќе ги зголемат деловните трошоци и ќе ја поттикнат инфлацијата. Покрај тоа, тарифите ја зголемуваат економската несигурност и ја попречуваат ефикасноста и интеграцијата на глобалните пазари“.
Слични новости
Бела куќа: Трамп ќе ѝ помогне на Украина да добие систем за противвоздушна одбрана
Соединетите држави ќе ѝ помогнат на Украина да добие систем за противвоздушна одбрана, изјави во средата портпаролката на Белата куќа, неколку часа по телефонскиот разговор меѓу американскиот и украинскиот претседател Доналд Трамп и Володимир Зеленски
ЕК инвестира стотици милијарди евра во одбраната
Европската комисија во средата претстави одбранбен пакет вреден стотици милијарди евра кој треба да одговори на итните потреби на Украина и на долгорочната потреба за зајакнување на безбедноста и одбраната на земјите од Европската унија
Трамп по телфонскиот разговор со Зеленски: „На добар пат сме“
Русија и Украина се обвинија меѓусебно во средата за прекршување на договорот за прекин на нападите врз енергетска инфраструктура, неколку часа откако на тоа се согласија рускиот и американскиот претседател кој исто така разговараа со украинскиот претседател Володимир Зеленски во средата и извести за одреден напредок