Американскиот потпретседател Џ.Д. Венс и државниот секретар на САД Марк Рубио остро се разидуваат околу мировниот план за Украина, пишува „Економист“, повикувајќи се на високи извори во американската администрација. „Економист“ пишува дека Венс на почетокот застапувал поостар пристап кон Киев.
Тој дури и му се јавил на Владимир Зеленски за да му ги каже условите што ги поставува САД. Истовремено, секретарот на војската Ден Дрискол, кој е пријател на Венс од времето кога заедно студираа, отпатува во Киев, каде што му ги пренесе на Зеленски ставовите на Вашингтон.
На другата страна државниот секретар Марк Рубио настојува да ја врати ситуацијата „на вистински пат“ барајќи компромис со украинското раководство, иако самиот вели дека е „целосно вон тековите“ на комуникацијата со Белата куќа.
Економист пренесува дека според Рубио клучните елементи на мировната спогодба ги изработиле специјалниот пратеник на Трамп Стив Викоф и неговиот руски соговорник Кирил Димитриев, додека Виткоф на социјалните мрежи појасни дека планот е целосно резултат на САД.
Расколот во самиот врв на американската администрација, според Економист, покажува дека и внатре во САД сеуште се трага по единствен став околу тоа како да се оконча војната во Украина и под кои услови.
Слични новости
Трамп ја изостави Северна Кореја во својата безбедносна стратегија, можно обновување на дипломатијата
Новиот план на американскиот претседател Доналд Трамп за глобална безбедност повеќе не вклучува денуклеаризација на Северна Кореја, што ги поттикнува шпекулациите дека Вашингтон се стреми да ги зголеми шансите за дипломатски напредок со Пјонгјанг во 2026 година
Маск ја спореди ЕУ со нацистите, X го затвори рекламниот профил на ЕК
Два дена откако Европската унија изрече голема казна на платформата X, социјалната мрежа ја затвори својата рекламна сметка на Европската комисија, а сопственикот Илон Маск ја спореди Унијата со нацистичка Германија
Нетанјаху: Израел ќе остане во тампон-зоната во јужна Сирија
Израел има намера да остане во тампон-зоната во јужна Сирија, изјави премиерот Бенјамин Нетанјаху на состанокот со израелските амбасадори, според извештаите на локалните медиуми