Единаесет мртви во Ванкувер, напаѓачот имал проблеми со менталното здравје

Полицијата во Ванкувер потврди во неделата дека 11 лица се убиени во напад на уличен фестивал во саботата навечер, додавајќи дека напаѓачoт, кој е во притвор, имал проблеми со менталното здравје.

„Лицето во притвор има значајна историја на интеракции со полицијата и негуватели кои се грижат за лицата со проблеми поврзани со менталното здравје“, изјави началникот на полицијата во Ванкувер, Стив Раи, на прес-конференција.

Додаде дека „доказите во овој случај не укажуваат дека станува збор за терористички чин“. Напаѓачот, кој бил сам, велат властите, бил совладан од толпата пред да биде уапсен од полицијата.

Медиумите претходно известија дека полицајците спречиле гневната толпа да го линчува напаѓачот на самото место.
Полицијата не даде дополнителни објаснувања за можните мотиви на 30-годишниот маж.

Инцидентот се случил набрзо по 20 часот во квартот Сансет он Фрејзер, на местото на одржувањето на фестивалот на филипинската заедница „Денови на Лапу-Лапу“. Големи азиски заедници, вклучувајќи Кинези, Индијци и Филипинци, живеат во западна Канада, многумина околу Ванкувер, голем град на западот од земјата.

Инцидентот ги зголеми тензиите пред парламентарните избори во понеделник. Во изборната кампања доминираше од прашањето за економската војна на американскиот претседател Доналд Трамп и неговите закани за анексија. Премиерот Марк Карни, кој се претставува како бедем против американскиот претседател, е фаворит во анкетите. Тој го промени распоредот за последниот ден од кампањата поради нападот во Ванкувер.

globe

Слични новости

Путин објави прекин на огнот во чест на победата во Втората светска војна

Путин објави прекин на огнот во чест на победата во Втората светска војна

Рускиот претседател Владимир Путин во понеделник објави тридневен прекин на огнот во војната со Украина што ќе стапи на сила следниот месец по повод 80-годишнината од победата на Советскиот сојуз и неговите сојузници во Втората светска војна