На валутните пазари вредноста на американскиот долар во однос на кошницата валути падна минатата седмица, втора по ред, при што еврото порасна за повеќе од 1,5 отсто, бидејќи војната меѓу Русија и Украина наскоро може да заврши.
Индексот на доларот, кој ја мери вредноста на американската во однос на шесте главни светски валути, падна за 1,2 отсто минатата недела, на 106,80 поени. Курсот на еврото во однос на доларот скокна за 1,6 отсто, на 1,0490 долари. Сепак, американската валута зајакна во однос на јапонската, за 0,6 отсто, достигнувајќи 152,30 јени.
Силниот раст на еврото во однос на доларот најмногу се должи на надежите на инвеститорите дека војната меѓу Русија и Украина наскоро би можела да заврши, откако американскиот претседател Доналд Трамп телефонски разговараше со претседателите на двете земји и најави моментлно започнување на активности за поведување мировни преговори.
„Зајакнувањето на еврото е благодарение на ентузијазмот во врска со прекинот на огнот меѓу Русија и Украина, што може да биде многу позитивно за растот на европските економии“, вели Васили Серебрјаков, валутен стратег во банката UBS
За смирување на пазарот придонесе и одложувањето на воведувањето на царините. Имено, Трамп неодамна најави воведување царини за увоз од сите земји кои наплаќаат царините за увоз на американски производи. Тоа се очекуваше да се направи минатата седмица, но Белата куќа соопшти дека сѐ уште се анализира кои земји треба да воведат или зголемат царини и дека заклучоците ќе бидат познати наскоро.
„Пазарот затоа се надева дека негативните ефекти од царините нема да бидат толку значајни како што изгледаше до неодамна“, објаснува Серебрјаков.
Слични новости
Индексот на доларот достигна најниско ниво во последните пет месеци, нафтата поскапе
На девизните пазари, индексот на доларот, кој ги искажува перформансите на американската во однос на шест други светски валути, во понеделникот претпладнето се движи околу најниското ниво во последните пет месеци од 103,71 поени
Еврото зајакна во однос на доларот втора семица по ред
На валутните пазари вредноста на американскиот долар во однос на кошницата валути падна минатата седмица, втора по ред, при што еврото дополнително зајакна во однос на доларот бидејќи зголемената јавна потрошувачка во Германија може да го забрза економскиот раст
Светските берзи во пад под притисокот од цаинската војна
Цените на акциите паднаа на светските берзи минатата седмица бидејќи инвеститорите стравуваа дека царинската војна меѓу Вашингтон и неговите најголеми трговски партнери ќе предизвика забрзување на инфлацијата и забавување на економскиот раст