На валутните пазари вредноста на американскиот долар во однос на кошницата валути падна минатата седмица, втора по ред, при што еврото дополнително зајакна во однос на доларот бидејќи зголемената јавна потрошувачка во Германија може да го забрза економскиот раст.
Индексот на доларот, кој ја искажува вредноста на американската во однос на шесте главни светски валути, минатата седмица се лизна за 0,15 отсто, на 103,75 поени. Курсот на еврото во однос на доларот се зголеми за 0,45 отсто, на 1,0879 долари. Сепак, американската валута зајакна во однос на јапонската, за 0,4 отсто, достигнувајќи 148,60 јени.
Падот на индексот на доларот втора седмица по ред е резултат на цаинската војна меѓу САД и нивните најголеми трговски партнери, што може да доведе до слабеење на најголемата светска економија и пораст на инфлацијата. Покрај тоа, американскиот претседател Доналд Трамп планира нагло да ги намали федералните трошоци, што исто така може да ја забави економијата.
„Падот на доларот во однос на еврото е резултат на тарифната војна, која предизвика многу нестабилност, како и крајот на режимот на фискални стимулации, бидејќи администрацијата на Трамп се обидува да ја намали јавната потрошувачка“, објаснува Бред Бехтел, директор во „Jefferies“.
Од друга страна, вели тој, Европската унија се движи во сосема спротивна насока и ја зголемува јавната потрошувачка. Имено, во Германија идната демохристијанско-социјалдемократска влада планира ново задолжување и формирање фондови за помош на германската економија и зајакнување на одбраната. Идната влада се согласи да ги релаксира фискалните правила за да може да ги зголеми инвестициите и со тоа да го стимулира економскиот раст.
Покрај тоа, еврото зајакна бидејќи се верува дека Европската централна банка е на крајот од циклусот на намалување на каматните стапки, додека американската централна банка Федералните резерви се очекува да продолжи со намалувањето на каматните стапки во наредниот период. Додуша, американската централна банка не се очекува да ги намали каматните стапки веќе следната недела, но се очекуваат намалувања во втората половина од годината.
Слични новости
Масовно истекоа дозволите за американскиот увоз на месо во Кина
Дозволите за увоз на повеќе од 1.000 американски компании за месо одобрени од Кина според трговскиот договор „Фаза 1“ од 2020 година истекоа во неделата, покажа кинеската царинска веб-страница, заканувајќи се на извозот од САД до најголемиот купувач во светот поради војната за царини
Европските берзи продолжуваат да растат и покрај корекцијата на Волстрит
На европските берзи седмицата започна со берзански индекси во „зелено“, што само го зголемува контрастот во изведбите на пазарите на капитал во Европа и на Волстрит, но инвеститорите тргуваат внимателно, стравувајќи од нова нестабилност што ги потресе светските берзи последните седмици
Индексот на доларот достигна најниско ниво во последните пет месеци, нафтата поскапе
На девизните пазари, индексот на доларот, кој ги искажува перформансите на американската во однос на шест други светски валути, во понеделникот претпладнето се движи околу најниското ниво во последните пет месеци од 103,71 поени