Германија и другите европски земји ветија дека ќе обезбедат „одржливи безбедносни гаранции“ за Украина доколку има разговори за прекин на огнот откако Доналд Трамп ќе се врати во Белата куќа.
Во таканаречената Берлинска декларација, министрите за надворешни работи на Германија, Франција, Полска, Италија, Шпанија и Велика Британија, како и шефицата на ЕУ за надворешни работи, Каја Калас, го истакнаа продолжувањето на европската поддршка за Киев.
„Ние сме посветени на обезбедување цврсти безбедносни гаранции за Украина, вклучително и сигурна долгорочна воена и финансиска помош“, се вели во декларацијата.
Средбата беше организирана од германската министерка за надворешни работи Аналена Бербок.
Групата се состана за да разговара за чекорите за зајакнување на Украина пред можното повлекување на воената помош од Трамп за Киев, откако тој ќе ја преземе функцијата на 20 јануари и, како што најави, ќе ги започне преговорите за примирје со Русија.
„Убедени дека мирот во Украина и безбедноста во Европа се неразделни, ние сме решително обединети со нашите европски и трансатлантски партнери темелно да ги разгледаме и дејствуваме по европските безбедносни прашања“, се наведува во декларацијата.
„Овде во овој круг, ние сме едногласни. На Украина и требаат силни безбедносни гаранции. Гаранциите ќе испратат јасна порака до Киев. Ние се залагаме за безбедноста и иднината на нашиот европски континент“, рече пред состанокот Бербок.
Калас рече дека треба да се направи повеќе за поддршка на одбраната на Украина од Русија.
„Мораме да направиме повеќе за да ја зајакнеме Украина на бојното поле. Колку се посилни на бојното поле, толку посилни ќе бидат во преговорите. И, се разбира, останува на Украина да каже кога е подготвена да седне на која било преговарачка маса“, додаде Калас.
Бербок и Калас не одговорија на прашањата за учество на германски или европски војници во евентуална мировна мисија во Украина, како што деновиве се заговара во Брисел.
Слични новости
Зеленски разговарал со шефот на НАТО и европските лидери за безбедносните гаранции на Украина
Украинскиот претседател Володимир Зеленскии во средата вечерта разговарал со генералниот секретар на НАТО, Марк Руте, и други европски челници, со цел да добие итна помош за зајакнување на воените напори на Киев и да разговара за долгорочните безбедносни гаранции
Зеленски вели дека разговарал со Макрон за можното распоредување странски војници во Украина
Украинскиот претседател Володимир Зеленски во средата вечерта изјави дека разговарал со неговиот француски колега по должност Емануел Макрон за неговиот предлог за распоредување странски војници во Украина како „начин за постигнување стабилен мир“
Зеленски го отфрла планот на Трамп за мир во Украина
Украинскиот претседател Володимир Зеленски во интервју за францускиот весник Le Parisien зборуваше за можноста за преговори со Русија за примирје во Украина и за најавите во тој контекст на новоизбраниот американски претседател Доналд Трамп за крај на војната