Европските индекси се во пад поради неизвесноста околу царините на Трамп

Европските берзански индекси денеска се во пад, бидејќи незивесноста околу царините на Доналд Трамп влијае врз инвеститорите.

Извршниот директор на Голдман Сакс Дејвид Соломон изјави дека лидерите на големите корпорации сакаат економската политика на администрацијата на Трамп да биде појасна, бидејќи како што рече „во моментов нивото на неизвесност е голем“.

Во пад се индексите и на франкфурстката и на лондонската и на француската берза. Истовремено, пред отварањето на берзата во САД беше забележан пад и на американските индекси.