На европските берзи се тргуваа претпазливо во средата, при што индексите стагнираат бидејќи инвеститорите не сакаат да преземат премногу ризик додека чекаат нова одлука за царините од Вашингтон.
Индексот STOXX 600 на водечките европски акции беше речиси непроменет претпладнето во однос на вчерашниот ден. Лондонски FTSE индекс се зголеми за 0,17 отсто, на 8.679 поени, а франкфуртски DAX за 0,02 отсто, на 23.113 поени. Парискиот CAC, пак, ослабе за 0,08 отсто, на 8.100 поени.
И на азиските берзи цените на акциите пораснаа. Индексот на азиските акции MSCI во истиот пресек од тргувањето како и во Европа порасна за 0,5 отсто. Во Шангај, пак, благо паднаа.
Азиските инвеститори беа охрабрени од благиот, но сепак позитивен пораст на Волстрит во вторникот, кога индексот Dow Jones порасна за 0,01 отсто, додека S&P 500 порасна за 0,16 отсто, а индексот Nasdaq за 0,46 отсто.
Така, индексите пораснаа втор ден по ред, но многу побавно отколку во понеделникот, кога инвеститорите беа охрабрени од пораките од Белата куќа за флексибилност во однос на царините.
Слични новости
Остар пад на европските и азиските берзи на почетокот од седмицата
Цените на акциите остро паднаа на европските берзи во понеделник во претпладневното тргување, откако американскиот претседател Доналд Трамп изјави дека реципрочните царини што ќе ги воведе следните денови ќе ги опфатат сите земји
Рекор на златото, доларот слабее, нафтата поевтини
Поради неизвесноста на финансиските пазари, цената на златото порасна за повеќе од 18 отсто од почетокот на годината и е на пат за најголемиот квартален скок од 1986 година
Каматните стапки го зголемуваат американскиот буџетски дефицит и долгот
Буџетскиот дефицит и јавниот долг на Соединетите држави ќе бидат значително над долгорочниот просек оваа година и ќе продолжат да растат до средината на векот