Европските берзи значително пораснаа во понеделник наутро, бидејќи најдолгото досега затворање на федералната влада би можело наскоро да заврши, бидејќи на повидок е договор во Конгресот за финансирање на услугите.
Индексот STOXX 600 на водечките европски акции порасна за речиси 1 отсто во првиот дневен пресек од тргувањето, надоместувајќи дел од загубите од минатата седмица. Лондонскиот индекс FTSE порасна за 0,54 отсто на 9.735 поени, додека франкфуртскиот DAX порасна за 1,39 отсто на 23.898 поени, а парискиот CAC 40 порасна за 0,98 отсто на 8.026 поени.
Доброто расположение на пазарите во голема мера се должи на вестите за напредок во преговорите меѓу републиканците и демократите во Конгресот за финансирање на федералните услуги. Напредок беше постигнат во Сенатот во неделата, а ако овој дом аскоро го прифати законот за финансирање на владата, за тоа ќе се расправа и во Претставничкиот дом. Доколку и овој дом го усвои законот, претседателот Доналд Трамп ќе треба само да го потпише.
Се проценува дека целиот процес би можел да потрае уште неколку дена. Доколку се усвои компромисниот предлог, би завршило најдолгото затворање на федералната влада досега, кое би траело повеќе од 40 дена.
Економскиот советник на Белата куќа, Кевин Хасет, изјави во неделата дека бруто-домашниот производ (БДП) на САД би можел да биде негативен во четвртиот квартал доколку продолжи затворањето на федералната влада.
Благодарение на знаците за решение на проблемот, американските термински индфекси S&P 500 и Nasdaq остро пораснаа утрово.
Се очекува ова да доведе до закрепнување на глобалните берзи откако цените на акциите нагло паднаа минатата седмица. Технолошкиот сектор беше под најголем притисок во тоа време поради стравувањата на инвеститорите дека цените на акциите на големите технолошки компании, по месеци силен раст, достигнале превисоки нивоа.
А на азиските берзи, цените на акциите пораснаа утрово. Индексот MSCI на акциите од Азиско-пацифичкиот регион, без јапонските, во истиот термински пресек како и во Европа порасна за речиси 1 отсто, со што надомести дел од загубите од минатата седмица.
Цените на акциите во Шангај, Индија, Австралија, Хонгконг, Јапонија и Јужна Кореја претпладнево се зголемија за меѓу 0,5 и 3,1 отсто.
Слични новости
Цените на нафтата на 64 долари
Цените на нафтата се искачија на 64 долари во петокот на меѓународните пазари, а инвеститорите шпекулираат дека намалената понуда од Венецуела во случај на воена интервенција на САД ќе ги принуди кинеските и американските рафинерии да бараат замена
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации