На европските берзи седмицата започна со берзански индекси во „зелено“, што само го зголемува контрастот во изведбите на пазарите на капитал во Европа и на Волстрит, но инвеститорите тргуваат внимателно, стравувајќи од нова нестабилност што ги потресе светските берзи последните седмици.
Паневропскиот индекс Stoxx 600 во првиот дневен пресек од тргување порасна за 0,46 отсто, при што повеќето берзански индекси забележаа раст. Истовремено, франкфуртски DAX порасна за 0,27 отсто, на 23.045 поени, лондонски FTSE за 0,16 отсто, на 8.645 поени, а париски CAC за 0,3 отсто, на 8.052 поени.
Европските пазари завршија повисоко во петокот, откако германските пратеници, наводно, се приближија до договор за реформирање на таканареченото правило за ограничување на долгот на земјата. Извештаите во медиумите покажуваат дека веројатно следниот германски канцелар Фридрих Мерц добил поддршка од Партијата на зелените за зголемување на јавното задолжување за да се овозможи зголемување на трошоците за одбрана. Предлогот, кој бара промена на германскиот устав, бара поддршка од две третини од пратениците избрани во парламентот на земјата. Се очекува Бундестагот да гласа за реформата во вторник.
Инвеститорите внимателно ќе ги следат американските пазари оваа седмица откако Dow Jones минатата ги забележа своите најлоши перформанси од 2023 година, бидејќи инвеститорите стравуваат дека трговската војна што ја започна американскиот претседател Доналд Трамп со воведувањето царини за увоз на бројни производи може да предизвика дополнително економско забавување. Поради неизвесноста, многумина се прашуваат дали корекцијата на Волстрит може да се претвори во мечкин пазар. Фјучерс индексите на Волстрит укажуваат на натамошен пад на цените на акциите на најголемата светска берза.
Американскиот министер за финансии Скот Бесент во интервјуто во неделата рече дека „нема гаранции“ дека нема да дојде до рецесија во САД, што дополнително ја зголемува загриженоста на инвеститорите.
Паневропскиот индекс Stoxx 600 порасна за 7,6 отсто од почетокот на годината, што е во целосна спротивност со клучниот американски индекс S&P 500, кој минатата седмица влезе во територијата на корекција и загуби 4,3 отсто од почетокот на годината.
„Европските и кинеските берзи имаат особено корист од слабоста на американскиот пазар, бидејќи инвеститорите се префрлија од верувањето дека ‘нема алтернатива за американските средства’ во ‘постои вистинска алтернатива’“, вели Енди Вонг, виш управен директор во „Pictet Asset Management“ со седиште во Хонгконг.
На токиската берза индексот Никеи во понеделникот падна за 0,93 отсто, на 37.396 поени.
Слични новости
Масовно истекоа дозволите за американскиот увоз на месо во Кина
Дозволите за увоз на повеќе од 1.000 американски компании за месо одобрени од Кина според трговскиот договор „Фаза 1“ од 2020 година истекоа во неделата, покажа кинеската царинска веб-страница, заканувајќи се на извозот од САД до најголемиот купувач во светот поради војната за царини
Индексот на доларот достигна најниско ниво во последните пет месеци, нафтата поскапе
На девизните пазари, индексот на доларот, кој ги искажува перформансите на американската во однос на шест други светски валути, во понеделникот претпладнето се движи околу најниското ниво во последните пет месеци од 103,71 поени
Еврото зајакна во однос на доларот втора семица по ред
На валутните пазари вредноста на американскиот долар во однос на кошницата валути падна минатата седмица, втора по ред, при што еврото дополнително зајакна во однос на доларот бидејќи зголемената јавна потрошувачка во Германија може да го забрза економскиот раст