Европските берзи пораснаа во понеделникот наутро, бидејќи инвеститорите се надеваа дека Вашингтон нема да ја ескалира својата тарифна војна, откако американскиот претседател Доналд Трамп во петокот рече дека може да биде пофлексибилен по ова прашање.
Индексот STOXX 600 на водечките европски акции порасна за 0,5 отсто. Лондонски FTSE индекс се зголеми за 0,41 отсто, на 8.680 поени, додека франкфуртски DAX порасна за 0,87 отсто, на 23.090 поени, а париски CAC за 0,56 отсто, на 8.087 поени.
Берзите со седмици беа под притисок бидејќи Трамп најави дека од 2 април ќе воведе реципрочни царини за увоз од сите земји кои наплаќаат царини за увоз на американски производи. Но, во петокот рече дека може да биде пофлексибилен. Сепак, тој не објасни дали ќе има некакви ослободувања или ќе воведе пониски царини.
Вашингтон со месеци води тарифна војна на повеќе фронтови – со Канада, Мексико, Кина, Европската унија…
А инвеститорите стравуваат дека ескалацијата на таа војна може да доведе до зголемување на инфлацијата и негативно да влијае на меѓународната трговија и економскиот раст.
Цените на акциите пораснаа и на повеќето азиски берзи. Индексот MSCI на азиските акции порасна за 0,2 отсто. Јапонскиот индекс Nikkei падна за 0,2 отсто, додека цените на акциите во Јужна Кореја паднаа за 0,4 отсто. Во Австралија, Шангај и Хонгконг тие се зголемија меѓу 0,1 и 0,9 отсто.
Слични новости
Светските берзи драстично паднаа, по најавата на Трамп за царини на увозот на автомобили
Цените на акциите на светските берзи драстично паднаа минатата седмица, бидејќи инвеститорите стравуваат од ескалација на трговската војна, откако Вашингтон објави царини за увоз на автомобили, а голем број земји се заканија со контрамерки
Доларот ослабе во однос на кошничката валути, инвеститорите претпазливи
На пазарите на валути се тргуваше претпазливо минатата седмица, бидејќи ризикот од ескалација на цаинската војна меѓу САД и другите најголеми светски економии значително се зголеми, па курсевите на валутуте не осцилираа значително
Британските автомобилски компании бараат поддршка од владата поради царините на Трамп
Британските автомобилски компании бараат поддршка од владата, бидејќи се помали се шансите дека може да се постигне договор со американскиот претседател Доналд Трамп за царините кои сака да им ги воведе на европските држави, пренесе Би Би Си.