Во четврток во претпладневното тргување цените на акциите пораснаа четврти ден по ред на европските берзи, достигнувајќи нови рекордни нивоа, со завршувањето на затворањето на американската федерална влада.
Индексот STOXX 600 на водечките европски акции порасна за 0,2 отсто во претпладневнито пресек од тргувањето, остигнувајќи нов рекорден максимум. Истовремено, лондонскиот индекс FTSE падна за 0,25 отсто на 9.886 поени, додека франкфуртскиот DAX порасна за 0,13 отсто на 24.415 поени, а парискиот CAC скокна за 0,77 отсто на 8.305 поени.
И на повеќето азиски берзи, цените на акциите се зголемија утрово. Индексот MSCI на акциите од Азиско-пацифичкиот регион, без јапонските, порасна за 0,2 отсто во истиот термински пресек како и во Европа. Во исто време, цените на акциите во Австралија паднаа за околу 0,5 отсто, додека во Јапонија, Индија, Хонгконг, Шангај и Јужна Кореја се зголемија меѓу 0,3 и 0,7 отсто.
Така, во претпазливо тргување, повеќето берзи го следат вчерашниот раст на Волстрит, кога индексот Dow Jones достигна ново рекордно ниво.
Американскиот претедател Доналд Трамп рано утрово потпиша закон со кој се завршува најдолгото затворање на владата во историјата на земјата, откако Претставничкиот дом поддржа закон со кој се овозможи привремено финансирање на федералните агенции.
Со ова се отстрани голем извор на неизвесност на пазарите. Имено, поради затворањето на федералната влада, од почетокот на октомври нема статистички извештаи што би им покажале на инвеститорите каква е економската состојба. Следната седмица се очекува серија вакви извештаи што би можеле да влијаат на насоката на пазарот.
Слични новости
Цените на нафтата на 64 долари
Цените на нафтата се искачија на 64 долари во петокот на меѓународните пазари, а инвеститорите шпекулираат дека намалената понуда од Венецуела во случај на воена интервенција на САД ќе ги принуди кинеските и американските рафинерии да бараат замена
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации