Цените на акциите значително паднаа на европските берзи во петок во претпладневното тргување, како и на Волстрит претходниот трговски ден, бидејќи технолошкиот сектор повторно е под притисок.
Индексот STOXX 600 на водечките европски акции падна за околу 1 отсто во претпладневниот пресек од тргувањето. Лондонскиот индекс FTSE падна за 0,80 отсто на 9.450 поени, додека франкфуртскиот DAX потона за 1,16 отсто на 23.007 поени, а парискиот CAC се намали за 0,74 отсто на 7.920 поени.
Цените на акциите паднаа и на азиските берзи. Индексот MSCI на акциите во Азиско-пацифичкиот регион, без јапонските, падна за 1,8 отсто во истиот термински пресек како и во Европа и е на пат да изгуби околу 3 отсто оваа седмица. Истовремено, цените на акциите во Индија, Австралија, Шангај, Хонг Конг, Јапонија и Јужна Кореја паднаа за меѓу 0,3 и 3,8 отсто.
Инвеститорите беа импресионирани од вчерашниот пресврт на Волстрит, каде што Dow Jones се лизна за 0,84 отсто, додека S&P 500 потона за 1,56 отсто а индексот Nasdaq падна за 2,15 отсто. S&P 500 и Nasdaq паднаа на најниските нивоа во повеќе од два месеца.
На самиот почеток на тргувањето вчера, индексот S&P 500 порасна за речиси 2 отсто, бидејќи инвеститорите беа убедени дека подобрите од очекуваните деловни резултати од „Nvidia“ ги растераа стравувањата од претерано високи цени на акциите за технолошките компании.
Технолошкиот сектор значително порасна, а цената на акциите на „Nvidia“ скокна за дури 5 отсто. Сепак, следеше ненадеен пресврт, а берзанските индекси ги загубија сите почетни добивки и завршија длабоко во негативна територија. Цената на „Nvidia“ заврши во минус за повеќе од 3 отсто.
Технолошкиот сектор веќе долго време бележи силен раст, благодарение на еуфоријата околу развојот на вештачката интелигенција, но во последните недели инвеститорите се загрижени за високите цени на технолошките акции и огромните инвестиции во секторот, кои нема да се исплатат сите.
Се намалија и шпекулациите за намалување на каматните стапки во САД. Берзите беа негативно погодени и од извештајот за вработување во САД, кој покажа дека бројот на вработени во септември се зголемил повеќе отколку што очекуваа аналитичарите, што укажува на отпорноста на пазарот на трудот.
Како резултат на тоа, очекувањата дека американската централна банка дополнително ќе ги намали каматните стапки во декември се намалија. До неодамна се проценуваше дека има околу 90 отсто веројатност дека Федералните резерви ќе го сторат тоа, но сега таа шанса е само околу 40 отсто.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година