Европските берзански индекси денеска главно се во пад откако проектил погоди товарен брод во Ормутскиот теснец, што предизвика нови стравувања за пореметување на пазарот на нафтата.
Инцидентот се случи непосредно пред истекувањето на договорот за примирје меѓу САД и Иран. Двете страни не постигнаа нов договор, додека американскиот претседател Доналд Трамп ја отфрли можноста за продолжување на примирјето во блиска иднина, оценувајќи дека Техеран не е подготвен да ги прифати клучните услови на Вашингтон.
Германскиот берзански индекс забележа пад од 0,45 насто, францускиот ЦАЦ падна за 0,22 насто, додека берзата во Милано падна за 0,36 насто. Единствено лондонскиот ФТСЕ порасна за 0,19 насто.
Слични новости
Трамп: Дивидендите на Американците ќе им бидат исплатени и покрај критиките на демократите
Американскиот претседател Доналд Трамп изјави дека ќе дојде до најавената исплата на дивиденди во вредност од 5.000 долари на секој американски полнолетен граѓанин, доколку Републиканската партија победи на претстојните меѓуизбори.
Нафтата поевтини поради очекувања на преговори меѓу Иран и земјите од Персискиот залив
Цената на сировата нафта Брент падна под 105 долари за барел, додека американската лесна сирова нафта ВТИ падна на под 100 долари за барел, откако иранските државни медиуми објавија дека се планираат разговори со земјите од Персискиот залив во Оман.
Европската централна банка би можела повторно да ги качи каматите во октомври
Официјални претставници на Европската централна банка очекуваат натамошно зголемување на каматните стапки, при што новото зголемување би можело да се очекува уште наредниот месец, додека инфлацијата која и натаму изнесува над 3 насто и натаму претставува причина за заострување на монетарната политика.