Цените на акциите благо пораснаа на европските берзи во четвртокот претпладнето, надоместувајќи дел од вчерашните загуби, додека инвеститорите ги анализираат кварталните деловни извештаи на европските компании.
Индексот STOXX 600 на водечките европски акции порасна за 0,3 отсто во првиот пресек од тргувањето, по вчерашниот пад. Истовремено, лондонскиот индекс FTSE зајакна за 0,33 отсто, на 9.546 поени, додека франкфуртскиот DAX се зголеми за 0,23 отсто, на 24.205 поени, а парискиот CAC за 0,24 отсто, на 8.225 поени.
Цените на акциите пораснаа и на повеќето азиски берзи. Индексот MSCI на акциите од Азиско-пацифичкиот регион, без јапонските, порасна за 0,2 отсто во истиот термински пресек како и во Европа. Во исто време, цените на акциите во Австралија, Шангај, Индија и Хонгконг пораснаа за меѓу 0,1 и 0,8 отсто, додека во Јужна Кореја и Јапонија паднаа за меѓу 1 и 1,3 отсто.
На самиот почеток од тргувањето, повеќето од овие индекси беа во минус поради веста дека владата на американскиот претседател Доналд Трамп ја разгледува можноста за ограничување на извозот во Кина на голем број производи направени со американски софтвер, од лаптопи до авионски мотори.
На пазарот тоа се смета за натамошно ескалирање на трговскиот конфликт меѓу двете најголеми економии во светот, откако Кина неодамна ги заостри контролите врз извозот на ретки земни минерали, а Трамп се закани со дополнителни царини.
Сепак, во подоцнежното тргување, азиските берзански индекси закрепнаа, главно на кинеските пазари.
Слични новости
„Аmazon“ со уплата од 180 милиони евра ја затвори истрагата за можна дночна измама во Италија
Подружница на американскиот гигант за е-трговија „Amazon“ им плати околу 180 милиони евра на италијанските даночни власти и го укина својот систем за следење на испораките со цел да ја затвори истрагата за можна даночна измама и експлоатација на работници
Цените на храната паднаа и во ноември
Цените на храната паднаа и во ноември, трет месец по ред, со значително намалување на цената на млекото и млечните производи и растителните масла, објави во петокот агенцијата за храна и земјоделство на Обединетите нации
РКЕ ги намали надоместоците за дистрибуција, пренос и за операторот на пазарот на електрична енергија
Регулаторната комисија за енергетика (РКЕ) за 3,64 отсто го намали надоместокот за дистрибуција на електрична енергија, односно за користење на електродистрибутивниот систем на Електродистрибуција од 1 јануари 2026 година