Европските берзански индекси во пораст по падот на цената на нафтата

Европските берзански индекси денеска главно се во пораст по падот на цената на нафтата Брент на 95 долари за барел, поради сигналите дека извозот на нафта од Блискиот исток се опоравува побрзо од тоа што се очекуваше.

Утрово цената на нафтата Брент падна за 0,88 насто на 95,3 долари за барел, а нафтата ВТИ за 0,67 насто на 88,8 долари за барел.

Цената на нафтата Брент вчера падна за 2,5 насто по вестите дека Саудиска Арабија го обнови извозот преку нафтоводот Исток-запад до пристаништето Јанбу на Црвеното море, кој беше оштетен со напад од дронови.