Европската централна банка (ЕЦБ) одби да обезбеди заштитни мерки за исплата на 140 милијарди евра за Украина. Тоа дополнително го отежнува планот на Европската Унија (ЕУ) за „кредит за репарација“, користејќи го „замрзнатиот“ руски имот, објави „Фајненшл тајмс“.
Заклучокот на ЕЦБ, според изворите на „Фајненшл тајмс“, е дека предлогот на Европската комисија не е во рамки на нејзиниот мандат.
На тој начин, Брисел се соочува со отежителна околност за собирање на средства од имотот на руската централна банка кој е депониран во белгискиот депозитар за хартии од вредност – „Еуроклиар“, пренесе Ројтерс.
Планот на ЕУ предвидува користење на „замрзнати“ средства на Русија за финансирање на кредитот за Украина, со кој би се поддржала обнова на земјата и би се засилила нејзината економска стабилност.
Одлуката на ЕЦБ значи дека ЕК мора да разгледа алтернативни механизми за финансирање или дополнително да преговара со институциите на членките на ЕУ.
Слични новости
Секоја четврта продавница не издава фискални сметки
До крајот на ноември годинава, Управата за јавни приходи (УЈП) спровела околу 4.000 контроли за регистрирање на готовинскиот промет, што претставува зголемување за 2,5 пати во однос на истиот период минатата година
Доларот падна во однос на кошничка валути втора седмица по ред
На светските пазари, вредноста на американскиот долар во однос на кошничка валути падна минатата седмица, втора по ред, бидејќи инвеститорите веруваат дека американската централна банка ќе ги намали клучните каматни стапки следната седмица
Раст на светските берзи, се чека намалување на каматните стапки во САД
Цените на акциите на светските берзи пораснаа минатата седмица, втора по ред, благодарение на верувањето на инвеститорите дека американската централна банка ќе ги намали каматните стапки следната седмица