Одговарајќи на критиките на американскиот претседател Доналд Трамп, полскиот премиер Доналд Туск во четвртокот рече дека Европската унија не е основана за да измами никого, туку за да го зачува мирот и да го зајакне трансатлантското пријателство.
„Европската унија не е основана за да измами никого. Сосема спротивно“, објави Туск на X.

Европската унија е основана „за да го зачува мирот, да воспостави почит меѓу европските нации, да промовира слободна и фер трговија и да го зајакне трансатлантското пријателство. Толку е едноставно“, додаде полскиот премиер и поранешен функционер на Европската комисија.
Полска од јуни претседава со Европската унија која стана цел на жестоки критики од американскиот претседател Доналд Трамп откако се врати на власт. Трамп во средата рече дека Европската унија е основана за да ги „измами“ САД и се закани со царини од 25 отсто за европските производи.
„Ги сакам европските земји. Ги сакам сиве овие земји, сите различни, навистина. Но, Европската унија беше дизајнирана за да ги измами САД. Тоа беше целта и тие го постигнаа тоа“, рече Трамп на својот прв состанок на кабинетот во Белата куќа.
По ова соопштение, Европската комисија најави дека ќе реагира одлучно и навремено против неоправданите пречки за слободната и фер трговија.
„ЕУ ќе реагира одлучно и веднаш против неоправданите пречки за слободната и фер трговија, вклучително и кога тарифите се користат за да се оспорат законите и недискриминаторните политики“, рече портпаролот на Комисијата како одговор на барањето за коментар за забелешките на Трамп.
Слични новости
Трамп потпиша уредба за кратење на буџетот на „Гласот на Америка“ и на шест други агенции
Некои републиканци одамна го обвинуваат „Гласот на Америка“ за пристрасност против конзервативците. Месецов Маск повика на затворање на медиумот, како и на Радио Слободна Европа.
Повеќе стотици илјади луѓе на протести во Белград
Како што јавуваат српските медиуми цел Белград е закрчен од луѓе, а во градот нема јавен превоз поради безбедносни причини од 09 часот изутрината.
Администрацијата на Трамп разгледува забрана за патување во САД за граѓани на голем број земји
Иницијативата за забрана за влез во САД е дел од иницијативата на Трамп за заострување на имиграциската политика на САД.