Одговарајќи на критиките на американскиот претседател Доналд Трамп, полскиот премиер Доналд Туск во четвртокот рече дека Европската унија не е основана за да измами никого, туку за да го зачува мирот и да го зајакне трансатлантското пријателство.
„Европската унија не е основана за да измами никого. Сосема спротивно“, објави Туск на X.
Европската унија е основана „за да го зачува мирот, да воспостави почит меѓу европските нации, да промовира слободна и фер трговија и да го зајакне трансатлантското пријателство. Толку е едноставно“, додаде полскиот премиер и поранешен функционер на Европската комисија.
Полска од јуни претседава со Европската унија која стана цел на жестоки критики од американскиот претседател Доналд Трамп откако се врати на власт. Трамп во средата рече дека Европската унија е основана за да ги „измами“ САД и се закани со царини од 25 отсто за европските производи.
„Ги сакам европските земји. Ги сакам сиве овие земји, сите различни, навистина. Но, Европската унија беше дизајнирана за да ги измами САД. Тоа беше целта и тие го постигнаа тоа“, рече Трамп на својот прв состанок на кабинетот во Белата куќа.
По ова соопштение, Европската комисија најави дека ќе реагира одлучно и навремено против неоправданите пречки за слободната и фер трговија.
„ЕУ ќе реагира одлучно и веднаш против неоправданите пречки за слободната и фер трговија, вклучително и кога тарифите се користат за да се оспорат законите и недискриминаторните политики“, рече портпаролот на Комисијата како одговор на барањето за коментар за забелешките на Трамп.
Слични новости
Си ја отфрлил поканата за присуство на самитот ЕУ-Кина
Пекинг им кажа на претставниците на ЕУ дека премиерот Ли Кианг наместо со Си ќе се сретне со претседателите на Европскиот совет и Комисијата,
Протестот во Белград заврши со немири, Вучиќ порача дека ја разбрал пораката
Протестот „15 за 15“, за кој според опозициските медиуми бил еден од најголемите во историјата на Белград, заврши во саботата вечерта пред предвиденото по инцидентите во кои беа повредени 56 лица, 22 беа уапсени, а по првиот инцидент студентите се повлекоа и порачаа дека повеќе тоа не е студентски протест
Најмалку 19 загинати во торнадата на југот на САД
Најмалку 19 луѓе загинаа во САД, од кои 11 само во сојузната држава Мисури, откако смртоносните торнада зафатија неколку југоисточни држави