Европските челници во понеделникот предупредија дека заканата на американскиот претседател Доналд Трамп за проширување на царините на Европската унија ризикува да предизвика трговска војна што ќе предизвика економска штета на двете страни на Атлантикот.
Високата претставничка за надворешна политика на Европската унија, Каја Калас, рече дека ако САД и Европа започнат трговска војна, „тогаш таа што се смее отсрана е Кина“. „Ние сме многу меѓусебно поврзани. Ни треба Америка, а на Америка ѝ требаме ние“, рече таа, говорејќи пред неформалниот собир на лидерите на ЕУ во Брисел.
Трамп им порача на земјите од Европската унија дека тие се следни на ред по неговата одлука да воведе огромни царини за Мексико, Канада и Кина.
„Тоа дефинитивно ќе се случи со Европската унија. Можам да ви го кажам тоа бидејќи тие навистина нѐ искористија. Тие не ни ги земаат автомобилите, не ни ги земаат нашите земјоделски производи. Тие не земаат речиси ништо, а ние земаме сè од“, им рече Трамп на новинарите во неделата, повторувајќи ги поплаките за трговскиот дефицит.
Германскиот канцелар Олаф Шолц зазеде повнимателен тон, повикувајќи ги ЕУ и САД на соработка.
„Јасно е дека како силна економска област можеме да ја обликуваме сопствената иднина и да реагираме на царинските политики… Но, перспективата и целта треба да бидат работите да резултираат со соработка“, рече Шолц.
Лидерот на германската конзервативна опозиција Фридрих Мерц изјави доцна во неделата дека тарифите ризикуваат да имаат спротивен ефект.
„Трамп сега исто така ќе сфати дека царините што ги наметнува нема да мора да ги плаќаат оние што увезуваат во Америка. Наместо тоа, тие ќе треба да ги плаќаат потрошувачите во Америка“, рече Мерц, кој најверојатно ќе стане германски канцелар по изборите овој месец.
Ако Европа биде нападната поради нејзините комерцијални интереси, ќе мора да се погрижи тоа да се почитува, изјави во понеделникот францускиот претседател Емануел Макрон пред неформалниот одбранбен состанок со лидерите на ЕУ во Брисел. Додаде дека неодамнешните изјави на САД ја туркаат Европа да биде посилна и пообединета.
„Колку што ковидот и руската агресија во Украина беа повик на узбуна за Европа, она што се случува… со изборите и изјавите на новата администрација на претседателот Доналд Трамп ја турка ЕУ да биде пообединета и поактивна во одговарајќи на прашањата за колективна безбедност“, рече Макрон.
Гувернерот на француската централна банка Франсоа Вилерои де Гало рече дека царините на Трамп се „многу брутални“ и особено тешко ќе го погодат автомобилскиот сектор. „Сите губат во овој тип на протекционистичка трговска војна“, изјави тој за радиото Frence Info.
Акциите на европските производители на автомобили паднаа во понеделникот поради загриженоста за влијанието на царините.
Во своите поплаки за трговскиот биланс со ЕУ, Трамп се фокусираше само на трговијата со стоки.
ЕУ постојано извезувала повеќе стоки во САД отколку што увезувала, а трговскиот дефицит на САД изнесувал 155,8 милијарди евра во 2023 година, според податоците Eurostat. Сепак, во услугите, САД имаат вишок на извоз во однос на увозот oд Европската унија од 104 милијарди евра во 2023 година, според европското биро за статистика.
Слични новости
Рубио извршил притисок врз Панама поради кинеското влијание врз Панамскиот канал
Американскиот државен секретар Марко Рубио ја предупреди Панама да преземе итни чекори за да одговори на загриженоста на САД за кинеските компании кои управуваат со пристаништа во близина на каналот, за кои претседателот Доналд Трамп рече дека претставуваат закана за националната безбедност на САД
ЕУ изрази жалење за американското зголемување на царините, ќе возврати ако биде цел
Европската унија во неделата „изрази жалење“ поради зголемувањето на американските царини за производи од Канада, Мексико и Кина, опишувајќи ја мерката како „штетна за сите страни“, ден откако американскиот претседател Доналд Трамп ги потпиша указите
Украина вели дека притисокот на САД за прекин на огнот и изборите е „пропаднат план“
Помошник на украинскиот претседател Володимир Зеленски во неделата изјави дека повикот на САД за Украина да одржи избори по прекинот на огнот со Русија изгледа како „пропаднат план“ доколку е тоа сѐ од што се состои