Европа најавува дека прорпорционално ќе одговори на царините на Трамп

Министерот за индустрија на Франција Марк Фераси изјави дека Европа ќе одговори пропорционално на воведувањето царини од страна на САД, но дека нема да ги ескалира напнатостите. „Европа секогаш беше подготвена за преговори и намалување на напнатостите, затоа што трговските војни носат само загуби“, изјави Фераси.

Претседателот Трамп денеска ќе воведе нови царини што беше најавено во Вашингтон како „ден на ослободувањето“. Планот на Трамп за новите царини сеуште се чува во тајност, а ќе биде обелоденет во 16 часот по источно американско време.

Трговските партнери како што се Европската Унија, Канада и Мексико најавија дека ќе одговорат на царините на САД со контрамерки. Брисел најави дека има прецизен пакет контрамерки како одговор на царините на Трамп.