Евролига: Ѕвезда го згасна Виртус, петта последователна победа на Ефес

Ѕвезда беше жестоко агресивна под двата обрача, нејзините кошаркари влегоа во висок ритам, кој гостинските не можеа да го следат. Домашните во еден момент имаше и 28 коша предност во првото полувреме, но по 20 минути игра резултатот гласеше 51:27.

Ѕвезда ја зголемуваше предноста и во третата четвртина и дојде до плус 33, а потоа и на максималните 38 коша предност. Грогираниот Виртус дури во последната минута од мечот успеа да надмине 50 поени, за конечните 88:52.

Сепак, ова беше најубедливата победа на Црвена ѕвезда во Евролигата, бидејќи претходната беше против Панатинаикос кога резулатот беше 81:48.

Најдобар играч во редовите на Црвена ѕвезда беше Дејан Давидовац со 17 поени, додека Филип Петрушев имаше 16 со шест асистенции и четири скока. Кај Виртус се истакна Торнике Шенгелија со 13 поени, а имаше и три скока и три асистенции.

Ѕвезда сега има скор 18-13, што ги одржува во плејоф зоната, додека Виртус е претпоследен со 7-23. Црвена ѕвезда во следното коло (петок, 20 часот) му гостува на Реал Мадрид, додека Виртус за противник ќе ја има Алба.

Кошаркарите на Ефес вечерва ја совладаа Басконија со резултат 92:76. Турскиот тим со петтата последователна победа направи уште еден голем чекор кон плејофот и сега е на скор 17-14.

Бранителот на титулата Панатинаикос го совлада Макаби со 99:92 во белградската сала „Александар Николиќ“ и го држи третото место со резултат 20-11. Последната четвртина Грците ја добија со 32:14 и го надоместија големото водство на Израелците. Најефикасен беше Кендрик Нан со 26 поени.