Во големото шпанско дерби во рамките на 27. коло од Евролигата, кошаркарите на Реал Мадрид на домашен терен беа подобри од Барселона со 96:91.
Гостите водеа во текот на целото прво полувреме и на пауза влегоа со благо водство од 43:40. Веднаш на стартот од третата четвртина Реал го сврте резултатот во своја полза и водеше до крајот. Барселона се закани во последните моменти на 70 секунди до крајот израмнувајќи на 86:86, но не можеше да стои повеќе.
Хрватскиот кошаркар Марио Хезоња беше водечки стрелец на Реал и еден од најдобрите во редовите на домашната екипа. За 25 минути на паркетот постигна 19 поени со осум скока. За Реал Факундо Кампацо додаде 18 поени, а Џанан Муса 16 со пет скока. Најдобар играч на Барселона беше Џоел Пара со 20 поени и седум скока.
Кошаркарите на Црвена ѕвезда доживеаја болен пораз на својот паркет од Жалгирис во 27. коло од Евролигата со резултат 86:80. Гостите подобро го отворија овој натпревар, но црвено-белите брзо се вратија и заостанаа само еден поен по првата четвртина. Второто полувреме беше целосно изедначено, а гостите на полувреме заминаа со минимална предност.
Третиот период од играта му припадна на Франциско, односно Жалгирис. „Црвено-белите“ немаа одговор на одличната игра на гостинскиот бек и заостанаа седум поени. Во последната делница, гостите само ја одржуваа предност. Во еден момент имаа и 11 поени предност, но избраниците на Јанис Сферопулос ја намалија таа разлика во последните неколку минути.
Најдобар поединец на натпреварот беше Франциско со 25 поени, а го следеше поранешниот ас на Партизан Ален Смаилагиќ со 15. Кај Црвена ѕвезда најефикасни беа Петрушев со 16 и Немања Недовиќ со 14 поени.
Париз како домаќин го совлада Баерн со 93:88, Армани беше подобар од Монако со 86:80, а Макаби беше сигурен против Фенербахче со 87:76
На табелата води Олимпијакос со сооднос 19-7, а зад него е Фенербахче со 17-9. Панатинаикос и Париз имаат по 16 победи и десет порази, а Монако, Црвена ѕвезда и Баерн имаат скор од 16-11. По резултатите во шпанското дерби, Реал и Барселона имаат идентичен скор 14-13.
Слични новости
ФИФА ќе разгледа еднократно проширување на 64 репрезентации за Светското првенство во 2030.
Светското фудбалско раководно тело ФИФА ќе ја разгледа можноста за проширување на Светското првенство во 2030 година на 64 селекции за да ја одбележи стогодишнината од спортскиот настан
Нејмар повикан во репрезентацијата по една година
Бразил го повика напаѓачот на Сантос Нејмар за квалификациите за Светското првенство овој месец против Колумбија и Аргентина по повеќе од една година, објави во четвртокот Бразилската фудбалска конфедерација
Тренерот на Лион Фонсека доби девет месеци суспензија
Тренерот на Лион, Пауло Фонсека, е дисквалификуван на девет месеци поради физички напад на судија на натпреварот од 24. коло од француското првенство против Брест (2:1), објави прес-службата на лигата.