Турски Фенербахче на својот паркет го совлада шпанскиот претставник Реал Мадрид со 78:67 (16:16, 24:12, 18:19, 20:20). Тоа беше втор натпревар на „Кралскиот клуб“ во Истанбул за три дена, во кој гостите претрпеа нов пораз. Во вторникот беа поразени од Анадолу Ефес со 73:79 во европскиот дел на турската метропола, за два дена подоцна да претрпат уште еден, поубедлив пораз во азискиот дел.
Најџел Хејс-Дејвис беше најдобар кај Фенер со 20 поени и седум скока, а го следеше Ерик МекКолум со 19 поени. Реал имаше само еден играч со двоцифрен учинок, а тоа беше Факундо Кампацо со 11 поени.
Фенербахче е на второто место на табелата со скор 17-8, додека водечкиот Олимпијакос има една победа повеќе (18-7). Реал Мадрид е на 11-та позиција со скор 13-13.
Кошаркарите на Црвена ѕвезда гостуваа во Алба во Берлин во рамките на 25. коло на Евролигата и во тензична завршница сепак успеаја да ја одржат малата предност и да триумфират со 71:77 (13:15, 22:25, 20:19, 16:18). Најдобар играч кај победничкиот тим беше Филип Петрушев со 17 поени, додека Исаја Кенан постигна 11. Од друга страна, Дејвид Мекормак се истакна со 18 поени и 11 скока „дабл-дабл“ остварен уште во првото полувреме, но го доби петтиот фаул кон крајот на третата четвртина.
Црвена ѕвезда сега има скор 16-10 и е во многу добра позиција кога е во прашање борбата за плејофот. Алба е заглавена на дното на табелата со скор 4-22.
Кошаркарите на Баерн Минхен ја постигнаа четвртата последователна победа во Евролигата победувајќи го францускиот Асвел со 76:67 пред своите гледачи во четвртокот. Андреас Обст постигна 15 поени за победниците, додека Карсен Едвардс имаше 14 поени и шест асистенции. Кај гостите најдобри беа Парис Ли со 14 поени и Жофри Ловерњ со 12.
Баерн е на шестото место со скор 16-10, а Асвел е на 14-то место со 11-15.
Нешто подоцна, кошаркарите на Милан го совладаа Жалгирис на гостински терен во Каунас со 89:87. Најдобри играчи на Милан беа Зак Ледеј со 26, Николо Манион со 21 и Шевон Шилдс со 17 поени.
Панатинаикос оствари многу важна победа откако во вистинска НБА пресметка го совлада Анадолу Ефес со 104:89. Блескаше Кендрик Нан со 36 поени, а кај Ефес најдобар беше Дариус Томпсон со 14.
Слични новости
Милан се откажа од купувањето на Жоао Феликс кој игра за нив како позајмица
Милан се откажа од откуп на договорот на Феликс бидејќи во последно време тој игра слабо за тимот на Милан, што значи дека Португаецот на крајот од сезоната сепак ќе се врати во екипата на Челси.
Лејкерси се пробија на четвртото место со победа врз Сан Антонио
Лос Анџелес Лејкерс ја забележаа втората победа по ред без Леброн Џејмс, на домашен терен против тимот на Сан Антонио. Најефикасен играч кај Лејкерс беше Остин Ривс со 30 поени, додека Лука Дончиќ даде 21 кош и подели 14 асистенции.
Денвер Нагетс без Јокиќ и Мари ги победија Голден Стејт
Во дербито на западната конференција Денвер Нагетс на гости неочекувано ги победија Голден Стејт Вориорс со 114:105. Голден Стејт беа огромни фаворити затоа што Денвер настапија без тројца играчи од првата петорка поради повреди: Никола Јокиќ, Џамал, Мари и Кристијан Браун.