Авион за евакуација на „Ер Србија“ со 67 патници слетал синоќа во Белград од Шарм ел Шеик, соопшти Министерството за надворешни работи на Србија. Покрај граѓаните на Србија, во авионот имало и граѓани на Црна Гора, Македонија, Босна и Херцеговина, Хрватска и Словенија, кои биле евакуирани од Израел.
Државниот секретар во Министерството за надворешни работи, Дамјан Јовиќ, истакна дека обврска на државата е да се грижи за своите граѓани во сите околности, и добри и лоши, и токму тоа е причината за организирање лет за евакуација на граѓаните кои се нашле во воено разурнатите подрачја, се наведува во соопштението на српското министерство.
Според него, иако станува збор за хуманитарно прашање, со овој гест Србија испраќа порака дека се стреми кон најдобри и најблиски односи исполнети со солидарност со соседните земји.
Слични новости
Премиерот Мицкоски на Конгрес на Европската народна партија во Брисел
Делегацијата на Мицкоски ја сочинуваат партискиот генерален секретар, Драган Ковачки, и членот на Извршниот комитет, Стефан Андоновски. Тие ќе присуствуваат и на свеченоста со која Европската народна партија ќе ја одбележи 50-годишнината од своето постоење
Заврши евакуацијата на македонски државјани од Блискиот исток, вратени се 605 дома
Министерството за надворешни работи информира дека, заклучно со вчерашниот лет, целосно е завршена евакуацијата на сите македонски државјани од земјите на Блискиот Исток, кои до овој момент беа пријавени и изразија подготвеност за евакуација.
Собранието денеска ќе избира нов јавен обвинител
Савески, кој моментно е судија во Основниот кривичен суд – Скопје, Владата го предложи за државен јавен обвинител пред една недела, а за негов избор потребни му се најмалку 61 пратенички глас.