Дипломираниот социјален работник Душан Томишиќ е новиот претседател на Комисијата за спречување и заштита од дискриминација (КСЗД), информираа од Комисијата.
Томшиќ е избран за прв човек на КСЗД согласно Законот за спречување и заштита од дискриминација по принципот на ротирање на претседателското место. За заменик претседател, Комисијата, во иста постапка го избра членот Зекир Абдулов.
„Новиот претседател, функцијата ја презеде од досегашниот, Лимко Бејзароски, во колегијална и конструктивна атмосфера, во дух на заемна почит, соработка и континуитет во работата на Комисијата. За заменик претседател, Комисијата, во иста постапка го избра членот Зекир Абдулов. КСЗД му изразува благодарност на Бејзароски за неговата посветеност и професионален придонес во изминатиот период, како и за ангажманот во унапредување на независноста и видливоста на институцијата. Во ист дух на партнерство и заедничка визија, Комисијата продолжува со својата мисија – унапредување на еднаквоста и заштита на достоинството на сите граѓани“, се вели во соопштението на КСЗД.
Душан Томшиќ е дипломиран социјален работник кој својата професионална карирера целосно ја посветил на заштита на најрливите категории на граѓани. Во текот на неговиот работен век ги поминал сите скалила во Министерството за труд и социјална политика.
Неговиот заменик, Зекир Абдулов пак, професионално се градел во невладиниот сектор во заштита на правата на Ромите во Македонија. Пред да биде избран за член на КСЗД, Абдулов беше советник на вицепремиерот во Владата. Претходно, тој ја извршуваше и функцијата независен член на Советот на Општина Делчево.
Слични новости
Мицкоски: Не добив само реизбор, денес победи идејата за патот што го трасираме за Македонија
Не добив само реизбор како претседател на ВМРО-ДПМНЕ туку денеска победи идејата. Победи патот што го трасираме за Македонија. Честа е голема и обврската и долгот кон доделената задача уште поголема, истакна Христијан Мицкоски откако попладнево на партискиот конгрес што се одржува во Кавадарци беше реизбран за лидер на ВМРО-ДПМНЕ
Британска амбасада: Британско- македонското стратешко партнерство е фокусирано на продлабочување на економската и безбедносната соработка
Во врска со пишувања во некои британски медиуми и реакции во земјава за наводно отворање мигрантски кампови, Британската амбасада објави на социјалните мрежи статус со кој посочува дека двете земји имаат воспоставено Стратешко партнерство фокусирано на долгорочна политичка, економска и безбедносна рамка дизајнирана да ја продлабочи соработката и да ја зајакне стабилноста и просперитетот во двете земји
СДСМ: Не чисти СОЗР, „чисти“ семејната фирма на Томовски
Од државни институции и од општини, водени од ДПМНЕ, семејната фирма на Томовски која го менува името добила: неверојатни 5 милиони и 360 илјади евра или вкупно 161 тендери, порача на партиска конференција за медиумите Александар – Саша – Димитријевиќ, од Централен одбор на СДСМ