Најдоцна до крајот на месецов треба да биде готова новата методологија за пресметка на минималните трошоци на едно семејство, најавува министерот за економија и труд Бесар Дурмиши.

Тој вечерва за телевизија „Сител“ изјави дека во Министерството за економија и труд вчера е одржан еден состанок, но дека ќе следуваат уште неколку по што новата методологија ќе биде презентирана на седница на Економско-социјалниот совет. Според Дурмиши, во синдикалната потрошувачка кошничка има производи кои не треба да бидат дел од основната потрошувачка кошничка.

„Вчера имавме состанок во Министерството за економија и труд каде имаше претставници од министерствата за финансии и за земјоделство, од Царина, од Државниот завод за статистика и од Пазарниот инспекторат. Беше прв состанок за да направиме нова методологија како ќе ја мериме минималната потрошувачка кошничка бидејќи во синдикалната потрошувачка кошничка има производи на кои не им е местото таму. Имаат многу производи кои не се трошат, а се ставени таму како на пример нескафето и се земени цените од онлајн купување. Треба да се земат цените од трите маркети и да се земе една просечна цена“,  рече Дурмиши.

За минималната плата за која во март треба да има усогласување, Дурмиши вели дека таа ќе биде зголемена согласно законот, а доколку синдикатите сакаат друга висина на минималната плата треба да се договорат со работодавачите, а Владата ќе го поддржи тоа решение, но ќе мора да се видат и финансиските импликации.

Во однос на измените на Законот за недела неработен ден, Дурмиши вели дека на одредени дејности треба да им се дозволи да работат во недела, но не целосно да се укине недела како неработен ден.

„Поради тоа што некои синдикати го изгубија правото на репрезентативност значи треба да се додадат нови синдикати кои ќе бидат репрезентативни, минатата сендица немавме основа да донесеме одлука. Додека да се одлучи кој ќе бидат новите синдикати кои ќе бидат репрезентативни не може да донесеме одлука“,  рече Дурмиши.
globe

Слични новости

Доларот тоне, нов рекорд на златото

Доларот тоне, нов рекорд на златото

ндексот на доларот, кој ги мери перформансите на зелената банкнота во однос на шесте главни светски валути, во вторникот претпладнето изнесуваше 103,44 поени и сѐ уште се движи близу петмесечниот минимум

Одреден притвор за 14 осомничени лица за трагедијата во Кочани

Одреден притвор за 14 осомничени лица за трагедијата во Кочани

Судијата на претходна постапка им одреди „краткотраен притвор“ од 48 часа на поранешниот министер за економија Крешник Бектеши, на поранешниот директор на Државниот пазарен инспекторат Горан Трајковски и на уште 12 лица осомничени за пожарот во дискотеката „Пулс“ во Кочан

Волстрит расте втор ден по ред

Волстрит расте втор ден по ред

На Волстрит цените на акциите пораснаа втор ден по ред во понеделникот, најмногу благодарение на корекцијата по остриот пад на берзанските индекси минатата седмица