Демократската унија за интеграција (ДУИ) денеска најави почеток на сеопфатен процес на реформи и ветинг во партијата, предводен од претседателот на партијата Али Ахмети и раководството на партијата. Велат дека оваа иницијатива ја нагласува посветеноста на ДУИ за добро владеење и интегритет, поставувајќи нов стандард за политичките партии во регионот.
Како дел од својата реформска стратегија, ДУИ вели дека спроведува конкретни механизми насочени кон зголемување на транспарентноста и отчетноста во своите редови.
Пратениците од ДУИ го отпочнаа процесот на реформи со проценка на ризик од корупција и го потпишаа Кодексот за добра пракса и интегритет на ДУИ. Овој кодекс е усогласен со Кодексот за добра практика на полето на политичките партии, усвоен со Резолуција на Венецијанската комисија и на Парламентарното собрание на Советот на Европа.
ДУИ е решена да го прошири овој процес на проверка надвор од парламентарното ниво, таргетирајќи ги сите високи партиски функционери, членовите на Претседателството на ДУИ и локалното раководство на партискиот огранок. Овој стратешки акционен план има за цел не само да го зајакне ставот на партијата против корупцијата, туку и да ја поттикне културата на интегритет во политичките процеси“, порачаа од партијата од Мала Речица.
Како предводник на овие реформи, од партијата посочуваат дека поставуваат преседан за другите политички партии. Оваа иницијатива, според партијата на Али Ахмети ја потврдува посветеноста на ДУИ за владеење на правото и ја демонстрира одлучноста на партијата за справување со корупцијата во сите сегменти.
„ДУИ е посветена на градење извонреден институционален и личен интегритет“, изјавил Али Ахмети. „Нашиот пристап е сеопфатен и добро испланиран, фокусирајќи се на поединци со силен интегритет кои ќе ја бранат антикорупциската агенда и процесот на проверка“, соопштија од ДУИ.
Слични новости
Има интензивна дипломатска активност за решавање на прашањето со Бугарија, вели Рокас, ЕУ лидери ќе го посетат Скопје во следните месеци
Постои интензивна дипломатска активност за решавање на прашањето со Бугарија, во таа насока лидери на Европската Унија ќе го посетат Скопје во следните месеци, изјави евроамбасадорот Михалис Рокас, по поставување камен-темелник на македонско-грчкиот граничен премин „Маркова нога“
Мицкоски не очекува криза, но смета дека заканите од ДУИ ќе продолжат со несмален интензитет
Премиерот Христијан Мицкоски не очекува политичка криза во пресрет на локалните избори, но очекува, како што изјави денеска, заканите од страна на ДУИ да продолжат со несмален интензитет.
Мисајлоски: Буџетот за одбраната е два отсто и ќе се зголемува со растот на економијата
Сегашното издвојување од Буџетот за одбраната е над два проценти и тој процент ќе се зголемува со растот на економијата, но засега и наеднша е тешко остварливо да се постигнат пет проценти, рече министерот за одбрана Владо Мисајловски