Дрогата била главната причина за смртта на поранешната ѕвезда на One Direction, Лиам Пејн, според близок пријател кој минатиот месец беше ослободен од обвиненијата за вмешаност во смртта на пејачот.
Рохелио „Роџер“ Норес, зборувајќи за Reuters во петокот заедно со неговиот адвокат, го опиша падот на Пејн од балконот на хотелот во Буенос Аирес во октомври како „лоша среќа“ и „трагедија“.
Норес и двајца вработени во хотелот каде што почина Пејн беа ослободени од обвиненијата во судскиот процес за смртта на Пејн во февруари. Други две лица остануваат во притвор и чекаат судење под обвинение дека му дале кокаин на 31-годишниот Пејн за време на неговиот престој во Буенос Аирес.
„Како пријател, гледаш дека имаат проблем со дрогата и правиш што можете, но на крајот на денот тоа е нивна одлука. Почнуваш да го забележуваш синџирот на настаните и тоа беше едноставно беше лоша среќа, се случи на начин кој заврши со трагедија“, додава Норес.
Пејн беше познат по неговото учество во еден од најпопуларните бендови за момчиња на сите времиња, One Direction, кој Сајмон Кауел го формираше од натпреварувачите на британската верзија на „Х Фактор“ во 2010 година.
Пејн го запознал претприемачот Норес во 2020 година и подоцна го посетил во неговиот дом во Палм Бич, на Флорида, според Норес, кој е државјанин на САД и Аргентина.
„Во последните шест месеци од неговиот живот бевме заедно секој ден, цело време, заедно со нашите тогашни девојки“, изјави Норес.
Адвокатот на Норес потврди дека последен пат го видел кобното попладне во хотелот.
Аргентинските обвинители тврдеа дека Норес, поради неговата блиска поврзаност со Пејн и неговата наводна улога како негов менаџер, што и Норес и неговиот адвокат го негираат, е одговорен за смртта на пејачот.
Обвинителите рекоа дека обдукцијата покажала дека Пејн имал „големи количества“ на кокаин и алкохол во неговиот систем за време на неговата смрт.
Слични новости
Хит претставата Отело на Бродвеј заработи 2,6 милиони долари по само седум изведби
Класичната драма „Отело“ на Вилијам Шекспир во која играат Џејк Гиленхал и Дензел Вашингтон, заработи неверојатни 2,6 милиони долари, по само седум...
Режисерот на документарецот за Принц го нападна Нетфликс за откажување на емитувањето
Езра Еделман, режисерот на деветчасовниот документарец за музичкатаѕвезда Принц изјави дека одлуката на Нетфликс да не го емитува неговиот документарец на стриминг платформата е кратковида
Драмски обележува 60 години од вселувањето во постојниот објект
Објектот е донација на Владата на Велика Британија како еден од симболите на меѓународната солидарност во напорите да се обнови Скопје по катастрофалниот земјотрес од 26 јули 1963 година. И покрај тоа што е замислена како привремен дом, театарот во оваа зграда опстојува и денес