Дрогата била главната причина за смртта на поранешната ѕвезда на One Direction, Лиам Пејн, според близок пријател кој минатиот месец беше ослободен од обвиненијата за вмешаност во смртта на пејачот.
Рохелио „Роџер“ Норес, зборувајќи за Reuters во петокот заедно со неговиот адвокат, го опиша падот на Пејн од балконот на хотелот во Буенос Аирес во октомври како „лоша среќа“ и „трагедија“.
Норес и двајца вработени во хотелот каде што почина Пејн беа ослободени од обвиненијата во судскиот процес за смртта на Пејн во февруари. Други две лица остануваат во притвор и чекаат судење под обвинение дека му дале кокаин на 31-годишниот Пејн за време на неговиот престој во Буенос Аирес.
„Како пријател, гледаш дека имаат проблем со дрогата и правиш што можете, но на крајот на денот тоа е нивна одлука. Почнуваш да го забележуваш синџирот на настаните и тоа беше едноставно беше лоша среќа, се случи на начин кој заврши со трагедија“, додава Норес.
Пејн беше познат по неговото учество во еден од најпопуларните бендови за момчиња на сите времиња, One Direction, кој Сајмон Кауел го формираше од натпреварувачите на британската верзија на „Х Фактор“ во 2010 година.
Пејн го запознал претприемачот Норес во 2020 година и подоцна го посетил во неговиот дом во Палм Бич, на Флорида, според Норес, кој е државјанин на САД и Аргентина.
„Во последните шест месеци од неговиот живот бевме заедно секој ден, цело време, заедно со нашите тогашни девојки“, изјави Норес.
Адвокатот на Норес потврди дека последен пат го видел кобното попладне во хотелот.
Аргентинските обвинители тврдеа дека Норес, поради неговата блиска поврзаност со Пејн и неговата наводна улога како негов менаџер, што и Норес и неговиот адвокат го негираат, е одговорен за смртта на пејачот.
Обвинителите рекоа дека обдукцијата покажала дека Пејн имал „големи количества“ на кокаин и алкохол во неговиот систем за време на неговата смрт.
Слични новости
Британците не сакаат да зборуваат за долговите, платите и штедењето
Речиси 30 отсто од испитаниците признале дека избегнуваат да зборуваат за чувствителни теми, плашејќи се од расправија
Ѕвездата на хит серијата Zero Day Дан Стивенс вели дека демократијата е речиси мртва
Ден Стивенс игра во новата хит серија на Нетфликс Zero Day, политички трилер во која го игра популарниот Јутјубер Еван Грин, лик што потсетува на десничарскиот новинар Такер Карлсон со неверојатна убедливост.
Почина продуцентот Стенли Џефи кој доби Оскар за Крамер против Крамер
Познатиот продуцент и менаџер на холивудско студио Стенли Џафи кој доби Оскар за Крамер против Крамер со Дастин Хофман и Мерил Стрип во 1980 почина денеска на 84 годишна возраст