Излезноста на гласачите во вториот круг од локалните избори до 11 часот изнесува 10,1 процент, соопшти Државната изборна комисија (ДИК). Овие податоци се добиени од обработени 92,94 отсто од избирачките места, односно 1.276 од нив. Во споредба со првиот круг од изборите, кога до 11 часот излезноста беше 9,38 проценти, денеска е забележан благ пораст на бројот на граѓани кои излегле да го остварат своето право на глас.
Во Град Скопје, до 11 часот гласале 8,30 отсто од запишаните избирачи, според податоците од 89,20 проценти од избирачките места.
Портпаролката на ДИК, Радица Тодоровска, рече дека гласањето се одвива без поголеми проблеми. Единствениот регистриран инцидент е помал технички проблем со УВ-апаратот во Дојран, кој брзо бил надминат и гласањето продолжило со стариот метод, со употреба на УВ-ламба и спреј.
Најголема излезност до 11 часот е регистрирана во Пробиштип, каде гласале 22 отсто од избирачите, и во Крушево со 19,92 отсто. Најмал е одзивот во општините Боговиње, со 6,67 проценти, и во Шуто Оризари, каде на гласање излегле 5,93 отсто од граѓаните.
Во вториот круг од локалните избори се гласа за градоначалници во 32 општини и во Градот Скопје. Право на глас на 1.771 избирачко место имаат 1.013.375 граѓани, од кои 474.304 се во Скопје.
Слични новости
На ГП Дојран и Табановце се чека од 30 до 40 минути, магла на Попова Шапка и Пресека
На граничниот премин „Дојран”, утринава за излез од земјава се чека 30 минути, а на Табановце времето на чекање на излез од земјава е 40 минути. На останатите гранични премини од македонска страна, нема подолги задржувања за влез и излез од државата, информира Авто мото сојузот на Македонија
Роднините на загинатите во „Пулс“: Дали судницата е за рецитирање или за вистината?
Родителите и блиските на загинатите во трагедијата во кочанската дискотека„Пулс“ денеска повторно излегоа на протестен марш во Кочани
Мицкоски: Не добив само реизбор, денес победи идејата за патот што го трасираме за Македонија
Не добив само реизбор како претседател на ВМРО-ДПМНЕ туку денеска победи идејата. Победи патот што го трасираме за Македонија. Честа е голема и обврската и долгот кон доделената задача уште поголема, истакна Христијан Мицкоски откако попладнево на партискиот конгрес што се одржува во Кавадарци беше реизбран за лидер на ВМРО-ДПМНЕ