Бројот учесници на Светското првенство во 2026 година полека се зголемува, од 48-те репрезентации што ќе учествуваат на Светското првенство следното лето, досега се познати 29 учесници.
До денеска познати се само две селекции од Европа – Франција и Англија.
Досега, најмногу веќе пласирани учесници на мундијалот се од Африка – девет репрезентации, а од Азија – осум.
Треба да се истакне и дека меѓу 29-те досега сигурни има и три дебитанта – Узбекистан, Јордан и Зелен’ртско Острови.
Жрепката за групите на Светското првенство ќе се одржи на 5-ти декември во Центарот „Кенеди“ во Вашингтон.
Конечниот список на сите учесници на Светското првенство нема да биде познат до крајот на март следната година, кога се закажани дополнителни квалификациски натпревари во Европа за да се состават финалните четири екипи.
Селекции со досега обезбедено учество на Светското првенство
Домаќини: САД, Мексико, Канада
Африка: Алжир, Зелен’ртските острови, Египет, Гана, Брегот на Слоновата Коска, Мароко, Сенегал, Јужна Африка, Тунис
Азија: Австралија, Иран, Јапонија, Јордан, Катар, Саудиска Арабија, Јужна Кореја, Узбекистан
Јужна Америка: Аргентина, Бразил, Колумбија, Еквадор, Парагвај, Уругвај
Европа: Франција, Англија
Океанија: Нов Зеланд
Слични новости
Интер Мајами првпат ја освои МЛС
Фудбалерите на Интер Мајами, предводени од легендарниот Аргентинец, 38-годишниот Лионел Меси, ја освоија шампионската титула во МЛС првпат во својата историја откако како домаќини ги победија Ванкувер Вајткепс со 3:1 во финалето
Атлетик победи во дербито против Атлетико
Во дерби натпреварот од 15-то коло на шпанската Ла Лига, фудбалерите на Атлетик Билбао на својот стадион „Сан Мамес“ во саботата вечерта го победија Атлетико Мадрид со минимални 1:0
Бразил доби тешка група, оцени Анчелоти
Бразил е извлечен во „тешка група“ на Светското првенство во 2026 година, со Мароко, Шкотска и Хаити како негови противници, изјави селекторот на Бразил, Карло Анчелоти, по жрепката во Вашингтон