Американскиот претседател Доналд Трамп напиша на својата мрежа Трут соушал дека се согласил на двостран прекин на огнот во војната со Иран на две недели.
„Врз основа на разговорот со премиерот на Пакистан Шехбаз Шариф и фелдмаршалот Асим Мунир, во која го замолиле да ја запре разурнувачката сила што се испраќаше на Иран, се согласив да го спречам бомбардирањето и нападот на Иран за период од две недели, под услов Иран да се согласи на целосно, непосредно и безбедно отварање на Ормутскиот теснец“.
Трамп порача дека станува збор за двострано примирје. Причината за тоа, како што соопшти американскиот претседател, е тоа што веќе ги постигнале и надминале сите свои воени цели, но се многу далеку од конечна спогодба за долгорочен мир со Иран и на Блискиот исток.
Трамп изјави дека САД го добиле предлогот од 10 точки од Иран и веруваат дека тоа е употреблива основа за преговори.
Речиси сите точки од претходните спорови меѓу Иран и САД се договорени, а периодот од две недели ќе овозможи спогодбата да се финализира и консолидира.
Слични новости
Од разговорите за мир во Украина, засега само договор за размена на заробеници
Американскиот претседателски претставник Стив Виткоф изјави дека САД, Украина и Русија на разговорите во Абу Даби се согласиле да разменат 314 заробеници во „првата таква размена за пет месеци“.
Доближени ставовите меѓу УПОЗ и Владата за покачување на платата
Финансискиот дел е речиси усогласен и прифатлив и за синдикатот и за Владата останува делот со условот кој централната власт го постави, откажување од општиот колективен договор и потпишување на индивидуални договори.
Путин и Си Џинпинг разговараа за зајакнување на соработката меѓу Русија и Кина
Путин истакна дека трговската размена меѓу Русија и Кина надмина 200 милијарди долари трета година по ред, додавајќи дека сеопфатното партнерство и стратешката интеракција на двете земји служат како пример за меѓународна соработка.