Фудбалерите на Болоња сосема заслужено го совладаа Милан со 2:1 пред своите гледачи во последниот натпревар од деветтото коло на италијанската Серија А.
Иако домашните беа подобри во првото полувреме, гостите од Милано поведоа на неколку моменти пред паузата, а стрелец во 43. минута беше Португалецот Рафаел Леао. Сепак, Болоња израмни уште на стартот од вториот дел. По еден центаршут, топката се одби до Кастро, кој од непосредна близина погоди за 1:1.
Во 81. минута рамката од голот го спаси Милан, но Болоња само една минута подоцна поведе. Камбијаги ја испрати топката пред голот на Милан, а Ндоје само ја спушти ногата и погоди за победа на Болоња.
Болоња се искачи на шестото место на табелата, додека Милан падна на осмото место.
Слични новости
Лига на шампионите: Ливерпул, Барса, Интер и Баерн со предност пред реваншите
Иако фудбалерите на ПСЖ напаѓаа од првата до последната минута и создадоа бројни одлични шанси, Ливерпул победи со 1:0 во Париз во првиот осминафинален натпревар од Лигата на шампионите
Гледаноста на италијанската Серија А во САД е зголемена за 50 отсто
Италијанската Серија А е сè попопуларна во Соединетите држави, а бројот на гледачи кои гледаат телевизиски преноси од врвниот фудбал е зголемен за 50 отсто, објавија во средата италијанските медиуми
Фејенорд не може да смета на дури 14 играчи за натпреварот со Интер
Новиот тренер на Феенорд, Робин ван Перси не може да смета на дури 14 проблеми, најголемиот дел од нив се повредени, но има и суспендирани.